сущ.; -е, -е; -ер, -ери, -ера инсан, гьайван, къуш къекъвейла, чилел, живедал аламукьдай кӀвачерин лишай. Ахтармишунар тухвайла, тӀветӀрен гелерилай 30-дав агакьна инсандин азарар арадал гъидай микробар жагъана. 3. К. ТӀебиат чирун. Чун адан геле аваз фида. А. Сайд. Кьисас.
* гел авун [тун] гл., ни рикӀел аламукьдай са вуч ятӀани авун. Дуьньядинди са вад йикъан сафа я, Квахьдай садра гел тавуна, севдуьгьуьм. Е. Э. Севдуьгуьм..
* гел(ни) галачиз [амачиз] нар. са ван-сесни амачиз, са лишанни амачиз, са хабарни амачиз. Ахпа вич, кьил баштанна, яд элкъведай патахъ катна, гелни галачиз квахьна... А. М. Киф атӀайди. - Кьве хеб квахьнава, вири дагълар капалай авуна, амма ягъияр гел амачиз квахьнава, чидач вучдатӀани. 3. Гь. Лезгийрин риваят. ЯтӀани хуьряй гел галачиз квахьнавай абурук са гьихьтин ятӀани таъсир квай. Гь. Къ. Четин бахт. Гьикьван вахт я, гел галачиз хъфенва Чи рикӀерай разивални битаввал. М. Б. РикӀин интервью.
* гел квадарун гл., ни авай чка чир тавун, чир тежедайвал авун.
* геле аваз хьун гл., вуж нин са нихъ-квехъ ятӀани къекъуьн, ам жагъуриз, акваз алахъун. «Вун Фатмадин геле авайд яни? Вахъ кар-чӀал амачни?» - фикирзавай ада, чин чӀурна. 3. Э. ВацӀал кьеб.
* геле гьатун гл., вуж куьн са кар ийиз чир хьун.
* геле къекъуьн гл., вуж нин; къастуналди писвал авун патал масадан кӀвалахар, амалар, гьерекатар вилив хуьн, ахтармишун.
* гелез атун гл., вуж нин; са касдин амалар, къилихар кьун.
* цӀегьрен гелер.