туьрк. сущ.; -уни, -уна; -ар, -ари, -ара 1) къуват, са затӀ авай гьалдай маса гьалдиз гъидай зегьмет. Са кӀусни гуж авай туш ви гафарихъ, Гьуьрметзава къе заз кесиб халкьари X. Т. Экуь варз. Чи везифа Кар гьа икӀ кьун - КӀватӀ авуна чи гуж: , къуват, Эцигна лап вири къудрат, Гьужум авун, гьар пад ягъун.... А. Ф. Рекьерин зарбачияр. Ваъ. Жезвач кат. Куьз лагьайтӀа, Азадвилив зигьинсуз КутӀуннава гуж: авайда Къе зи кӀвачгъил эркинсуз. А. Къ. Манкъурт. 2) вуж-вуч гьатнавай четин гьал, заланвал, туькьуьлвал. Адамалай инихъ бендедиз тахьай Гуж: хьана заз икьван пар, эй, гуьзел. Е. Э. Эй, гуьзел.. ВацӀун а пад я Мамрачар, Циф алай физ жеда гужар... С. С. Са хъуьтӀуьз чна самун алаф кьит хьуникди гишила амукьай колхоздин гамишар текьин паталди тамай къалчамагар гъиз хьанай. Са инсанар ваъ, гьайванарни гишила амукьдай гужар акуна чаз... М. Желилов. "... Фу гайиди я гьамиша". 3) куьч. истисмар. Эмин... гужунин, зулумдин, инсафсузвилин душман хьана. М. М. Гь. ТуькӀуьрайдан патай. Синонимар: аман, зур, къуват, такьат, энергия.
* гуж авун гл., ни низ; 1) къуват эцигун. Акьулди гьакӀ атӀуналди, Гуж: ийиз вуна тӀуьналди... С. С. 2) туькьуьлвал, заланвал гун. Гагь хузар хьиз, гагь на чӀижер, Гуж мийир чаз эхи тежер, гьар атайда вичиз ичер АтӀуз недай багъ я, Къафкъаз. С. С. Къафкъаз.
* гуж гъалибун гл., ни нел; къуватдалди рафтарвал авун. За жувани цекврелни гуж гъалибнач, Асландивни кӀур гуз тунач жувазни. М. Б. Хайи ватан, хайи макан...
* гуж хьайиди $, рах. дишегьлияр сад-садав рахадайла, наразивал къалурдай ибара. Са затӀни алан, гуж: хьайдал! Ваз адан, къазран хам хьиз, хар акъатнавай кьецӀил ютур акуначни, кьин тавур вах? Ш. Исаев. «Кпул я, вах».
* гуж тахьайди $, рах. дишегьлияр сад-садав рахадайла, наразивал къалурдай ибара. Я гуж: тахьайди, чаз къе и ник куьтягьиз кӀанзава. Пака гьа амукьай са шумуд бафадиз килигна, мадни иниз гьикӀ хкведа. Р. Гь. Лацу цавун кӀаник. \[Зарлишан\]. Кис, гуж тахьайди! Ваз чи кьилел вуч акъудиз кӀанзава? Н. И. Гьакимрин папар.
* гужа кьун гл., вуж сагъсуз хьун. - гьа йисара вилик хьран цӀай, кӀаник, хъуьцуьгандин ериндал, къайи къван, кьулухъни аязни къай хьана, зун гужа кьуна. Ш. Исаев. Кьисмет хьанач.
* гужа-гуж нар. четинвилелди. Къуватсуз кӀвачерал са гужа-гуж акьалтай Рамазана вичиз регьят хьайиди гьиссзавай. А. И. Вацран мичӀер. Э... эгь, - къари са гужа-гуж: месин кьилиз хкаж хьана. Ж. Гь. Кьвед лагьай шикил. Къе зи заместителдин вацран мажибдихъ гужа-гуж кьве шешел гъуьр маса къачуз жезва. А. Саидов. Демократиядин сифте тарс. Бабам вичин председателдихъ гужа-гуж: агакьзавай. А. Р. ПӀинияр.
* гужа гьатун гл., вуж четинвиле гьатун. Хъел кваз къарагънай и къужа, Адан крар гьатна гужа. С. С.
* гужан азар сущ.; иви галаз къен финин азар.
* гуж-баладалди нар. гзаф четинвилер аваз. Са гуж-баладалди фекьи кӀвализ ахъайна. Ф. КьепӀина тур фекьи. Гьамиша кьенятдал яшамиш хьана, эхир са гуж-баладалди са тӀимил пул кӀватӀна... С. С. Жувакай ихтилат. Заз Вейнеран заводда са гуж-баладалди кӀвалах гьатна. А. Раджабов. ЦӀапан.