прил. 1) гзаф къуват авайди. # ~ пагьливан, ~ машин, ~ трактор. Им тракторист зарбачи, Гужлу, кьакьан, жанлу итим... А. Ф. Эм-Тэ-Эс. Гужлудаказ рахайла цав, Къваз хьанайтӀа гужлу марф. А. Ал. Бендер. 2) мягькем. Хуьруьн къвалав вацӀал цӀийи гужлу муьгъ Эцигнай вичин гъилел кьуна къунжар. А. Ф. КьатӀ-кьатӀ авур зунжурар. 3) къуват желбна кӀандай. Ихьтин гужлу кӀвалахди виликдай дарвиле авай лежберар хъсан доходрин иеси авуна, хъсан агьваллу уьмуьр яратмишунин женгиник кутуна. А. Ф. Риза. Синоним: къуватлу. Антоним: зайиф.
* гужлу авун гл., ни-куь вуж-вуч 1) къуват(ар) артухарун. Вахт-вахтунда малариз ем гуни абур гужлу авуна. И. Къ. Заза. Гужлу хъийиз рикӀин ялав, Гьахьна дидед хурудиз. А. Къ. Тарари кьил кьадайла тик... 2) ери артухарун. \[Буржум\].... куь цӀийи тешкил жезвай артель гужлу ая. Гь. Гь. Колхоз.... и бахтавар уьмуьр яратмишай совет власть мягъкемарун мадни гужлу авун патал женгиниз эвериз хьана. М. М. Гь. ЧӀехи шаир. Зи фикирдалди, Лезгистандин кьилин газет гужлу авун чарасуз я. ЛГ, 1992, 15. ӀӀ. 3) миянарун. Кьукади чил гужлу ийида. Р.
* гужлу сесер граммат., сущ.; паб, там, кам гафарин сифте кьиле авай ачух тушир вансуз \[пп\] \[тт\] \[кк\] сесериз лугьуда.
* гужлу хьун гл., вуж-вуч 1) къуватлу хьу н. - Бес за вучта? Лам кьарада акӀайла, иеси гужлу хьана кӀанда лугьуда, алава хъувуна Гьамида. 3. Э. Мехъер кьул туш. 2) артух хьун. Гьикьван туькӀвей кьариблухда хьайитӀани, рикӀ гъамлу, дерт гужлу хьанмазни, инсанди ватандихъ ялда. А. А. Къубудиз яд къвезва. 3) миянлу хьун. Чил гужлу хьанва. Р.
* гужлу чил сущ.; бегьер гудай чил. Гужлу чилер, михьи къуьлер кӀан я заз... А. Б. ЦӀийи йис.