союз 1) 'себеб яз' манадин гаф. Сифте хьанвай колхоз садлагьана кӀвачел акьалтнач. Ам кьиле тухун патал кӀел-кхьин чидай, тежриба авай инсанарни авачир. Гьавиляй кӀвалахда гзаф кимивилерни авай. Э. Йифен тӀурфан. Гьашаратрин арада гзаф зиянкарар ава. Гьавиляй тарариз, кул- кусриз гьеле пеш ахъайдалди вилик зегьерлу дарманар яда. Емишдин тарарин танар киреждай асунда. 3. М. ТӀебиат чирун. Аквар гьаларай, къадим девирра лезгийрин чамарар ийидай балкӀанрин жинс Къафкъазда гзаф машгьур тир. Гьавиляй Кери-Тороса вичин шеврез "лезги" лагьай лакӀаб ганва. Р. Р. Лезги халкьдин игитвилин эпос. 2) кьве предложение алакъада твадай ва вичи кьилин предложениеда лагьанвай манадин себеб табий паюна кьалурдай гаф. Абаса вичив гвай данаяр хъсандиз хуьдай, гьавиляй адал жемятдин рикӀ алай. Ф. Акьуллу данарбан. - Ви хци рак ахъайнач ей мугьмандиз, Гьавиляй ви кӀвализ элди лянетна. А. С. Лянет. Анжах ваз чизвай, Селима Лейлидиз вафасузвал тийирди, гьавиляй вун ийир-тийир квахьна амазмай. М. С. Буьркьуьди.