араб, прил. затӀ арадиз гъун патал зегьмет алачир. Чир хьана ваз гила дава, Гьазур фу тир нез, нехирбан. Е. Э. Нехирбан. Вун тухуз лап мукьварава, Ваз гьазур тир чамар ава. Е. Э. Я бахтавар. Долларрихъ намусни маса гуз гьазур А тапан алимри ийизва мурмур: Ш-Э. М. Инсансузриз лянет.
* гьазур авун гл., ни вуч кьетӀнавай кӀвалах кьилиз акъуддай гьалдиз гъун. Аялар мектебдиз гьазур авунай, амма марф къвайиди рекье геж хьана. Р.
* гьазур гьалал сущ. вичиз авай са вуч ятӀани. Къуншиди адав гьазур гьалал вугана. Ф. Пачагь кьабулай кесиб.
* гьазур хьун гл., вуж 1) са кар кьилиз акъудиз гьазур гьалда аваз хьун. КӀандатӀа пака, КӀандатӀ къе Ленина эцигай муькъве Гьазур я чун гьадан рекье Сад амай кьван чан эцигиз. С. С. Ципезан эрчӀи къуьнуьхъ элкъвена, ксуз гьазур хьана. Гь. Къ. Санал садакьа гуз хьайитӀа, гьасятда гьазур жеда. А. А. СтӀал Сулейман. Синонимар: гьазурвал акун, кӀвачин хьун. 2) вуч тайин гьалдиз атун. Хуьре гьазур яни? Р.