сущ.; -а, -а; -ар, -ари, -ара цӀикьвед вацран вахт. # алатай ~, кьурагь ~, азгар ~, чӀимел ~, ~ акъатна; ~ алукьна, ~ давам жезва. Виш агъзур йис хьайитӀани ачух дуьньядал, гьар са чӀавуз адан гуьгьуьл дар жеди. Е. Э. Кьве паб. Папан рекье къекъвез хьана ирид йис. Е. Э. Герек туш. Им вад йис я кьена зи паб... С. С. Регъуьхбан. Варцар бегьем тахьанамаз, Гьафтедикай йис жерид туш... 3. Р. Зун и пата, вун а пата. Атана ирид саз кам вегьезвай Сулейман акур Гьасанбега "Им зи гада я", - лагьана вичин кӀвализ гъил кьуна хутахна. С. Зазни хуш я ви шаламар.
* йисалай суз нар. алай йис алатайдав гекъигайла, гьар йисуз. Эй юлдашар, йисалай суз Са кӀус кьванни вилик юзуз... С. С. Чи Куьре район. Газетдин кӀвалахни йисалай суз, югъ къандивай къайдадик акатна, метлеблувални таъсирлувал артух хьана. Т. Ханов. Абадлувални агьваллувал патал. Синонимар: йисандивай, йисандивай йисуз.
* йис-сандивай нар. алай йис алатайдав гекъигайла, гьар йисуз. Дустагъра гьатзавай жегьилрин кьадарни йис-сандивай виниз акъатзава. Бес чун вири гьакӀан гуьзчияр яз акъвазайтӀа, гьар чкада герек серенжемар кьабул тавуртӀа, пака вуч хьун мумкин я? Р. Меликова. Садбур - дуьадал, масадбур - межлисдик. Синонимар: йисалай суз, йисандивай йисуз.
* йисандивай (йи)суз нар. гьар са йис акъатуникди. Иесисуз кицӀери ва кацери инсан кьиникьал гъидай пехъивал азар арадал гъунин къурхулувал йисандивай йисуз артух жезва. ЛГ, 1997, 19. ХӀӀ. Гуьгъуьнин йисара чапдин къадарар са жизви артух хьана, амма йисандавай суз тӀимил хъижез исятда саки виликан мишекъатвилел хтанва. К, 1989, 7. X. Къадим шегьерди вичин сергьятар йисандивай суз гегьеншарзава ва анин агьалиярни артух жезва. ЛГ, 2002,12. ГХ. Синонимар: йисандивай, йисалай суз.