сущ.; -и, -е: -ер, -ери, -ера суткадин са пай (югъ квачиз). Касбубади жавабдин чарче кхьена: "За вуна лугьузвай хьтин жунгав къачуна гьазурнава. Са ахьтин чӀавуз хутах хьи, я йиф тахьуй, я югъ. Ф. Я йиф тахьуй, я югъ. Дуьнья сад хьиз фидай гьа югъни йиф я. Е. Э. Яр. МичӀи йиф я гьар пад секин. А. Ф. Эм-Тэ-Эс. Вичиз я югъ, йиф тийижиз, Я гьукум, теклиф тийижиз, Я бей, тей, элиф тийижиз, Илимдикай рахаз кӀанда. С. С. Акьул жувазавазкӀанда. РагъникӀанда,марфникӀанда,саврухни,Лезетарни,гьам ахварсузйиферни. Ш.Къ.Рагъни кӀанда... Антоним: югъ.
* йиф авун гл йифен вахт акъудун. Им хъсан далда я, чна ина йиф ийин. Ф. Лайихлу паб. Квез йиф ийиз кӀвализ хтун четинхьана. А. А. Лезгияр.
* йиф галачир югъ жедайди туш мисал писвилихъ хъсанвални галайди я. Йиф жери затӀ яни югъ галачир? Е. Э. Стхаяр.
* йифен кьулар сущ. йифен вахтунин юкь. Юкъузни хипер ацаз, кӀелер хукудиз, некӀедикай ниси ийиз галатнавай итимар йифен кьуларилай хьиз вири ахварал фена. А. Ф. Лянет. Са сеферда Агьабег ЦицӀигърин кавхайрихь галаз кьунши хуьре, ЧӀилихъа, мехъерин межлисда хъвана луьх хьанвайла, аниз, йифен кьулариз, гзаф теспача кваз адан паб Гуьлуьмагъа атана акъатда. С. Муслимов. ЦицӀигъ-наме.
* < яргъи > йиф(ер) акъудун гл., 1) ни йифен вахт кечирмишун. Акъудда за яргъи йифер, рикӀе гьатиз чӀулав цифер. Е. Э. Ярдиз. Чун Мамрашрин кӀунтӀал, иесидивай ихтияр къачуна, ратӀран кьерехдал аламай алатай йисан ягъалрин таяда йиф акъудиз акъвазна. Къ. М. Экуь инсан. 2) куьч., ни нихъ галаз йифиз яргъа лди ялар ягъун.
* йифер-йикъар авун гл., ни тӀуьн-хъун авай мярекатдик кваз вахтар акъудун. Директор галачиз совхоздин вилаятра йифер-йикъар ийиз им вуч хабар я?! Б. Гь. Хайи чилел.
* йифер-къар атун гл., нел са касдал адаз тайин кӀвалахар, дуьшуьшар атун. Чал атанвай йифер- къаркай са хабар це дустуниз. Е. Э. Хабар це дустуниз.
* йиф-югъ < лугьун тавуна > нар. гьамиша, акъваз тавуна. Ам куьтягьдайвал эцигна зулуз, Йиф-югъ талгьана алахьда анал. Б. С. Алидин жуьре. Икар дериндай аннамишна, Йиф-югъ лугьун тавуна, зегьмет чӀугун, районэгьлийри авунвай ихтибар кьилиз акъудун патал вири къуватар, алакьунар, чирвилер серфна, кӀевелай чалишмишвал авун чи хиве буржи яз гьатна. Г. Ханов. Абадвални агьваллувал патал. Йиф-югъ жалгъаяр тӀаз акъваз жезмачир. 3. Ф. Суьгьуьрдин тӀвал гвайди.
* йиф чӀичӀун гл., ни йифди ксун тавуна са кар авун (кьуьлер авун, манияр лугьун ва я сар михьун).