сущ.; -къини, -къина; -кьер, -къери, -къера 1) ракьун пулуник ва я маса затӀарик гъал акалун патал раснавай чка. 2) арабадин кьулухъ кьилин чапла ва я эрчӀи къерех. Ида фена гьабурукай зурба кьве къабан кьуна, гъана арабадик кутӀунна... Са жуьре хьиз къекъерал... кутӀунна, и дагъ хьтинди ида къабанарни кваз галчӀурна хуьруьз хкиз башламишна. Ф. Ирид юкӀ алай Магьамад пагьливан. 3) бедендик къалчах ккӀанвай чка.
* къекъерай акъатун гл., рах., вуж 1) манасуз гзаф къекъвена галатун. Гьар сеферда абурун гуьгъуьниз чукуриз хьайитӀа, къекъерай акъатда... Б. Гь. Заз эвера. Хтайла хва Ватандиз, Акъатна лап къекъерай, Дуьшуьш хьанай куьчеда Вичин диде къекъвераг. А. С. Дидедин кьисас. 2) са тайин кар кьилиз акъудун патал гзаф зегьметар чӀугуна галатун.
* къекъерай акъудун гл., вуж 1) гзаф къекъвена, чукурна галатай гьалдиз гъун. 2) са тайин кар кьилиз акъудун патал гзаф зегьметар чӀугуна икрагь хьайи гьалдиз гъун.