туьрк. сущ.; -ди, -да; -ар, -ри, -ра 1) яд авай чкадин къурамат пад. И кьил, а кьил авачир, яргъи, гьяркьуь вили гьуьл, адан винел къекъвезвай эквер авай пароходар, гьуьлуьн кьерехдай фенвайракьунрекьер... А. Ф. Бубадин веси. Гьар са пад пара секин тир, анжах дагъдин кӀаняй авахьзавай вацӀун кьерехра авай вили рагар язавай сесинин уьтери ван чал къвезвай. А. Ф. Лянет. Мамрашрилай а патал, Гуьлгер вацӀун къерехдал мадни са татарин лезгияр какахьай - Ханжалкъала тӀвар алай хуьр ала. Къ. М. Рекьин риваятар. Са сеферда фикирар гьарнихъ чкӀанвай Камал вирин кьерехдал ацукьна, цин кӀане къугъвазвай балугъриз килигзавай. Б. Гь. Вили вилер 2) са вуч ятӀани са патахъ куьтягь жезвай чка. Мансур гьадан къерехдик ква, Цилингар. Е. Е. Цилингар.... ам къавун чӀерейрал къекъведай, кац хьиз, вичи хъувунвай цӀун къерехрив элкъвез жедай... А. Ф. Риза. Чун суьруьдин къвалав ацукьна, са кьадар ихтилатар авурдалай кьулухъ чубанрикай кьвед къарагъна суьруьдин атӀа патан къерехдал фена ацукьна. А. Ф. Лянет. Гьа икӀ, киричидал рекье Вини Ярагърин рекьин къерехдив гвай булахдал хуькведалди дуьшуьш хьайибурукай садани сивяй Бубадикай хана рахай гаф акъуднач. Гь. С. КӀири Буба.
* пад-къерех такур.
* къерех авун гл., ни вуж-вуч нивай-квевай нивай-квевай ятӀани къакъудун, яргъа авун.
* къерех хьун гл., вуж нивай-квевай ятӀани яргъа хьун. СтӀалви гадади вичин ихтилат куьтягьна, ам цӀукай хейлин къерех хьайила, комсомолдин форма алай кутугай суьретдин Балакъардаш тӀвар алай жегьил вилик атана. Къ. М. Душмандин тум.... вичел алай парталар киреждай ктад хьанвайди рикӀел хтана, багъишламишун тӀалабна, ам садлагъана адавай къерех хьана. Б. Гь. Вили вилер
* къерехда авайди сущ. 1) авай (алай) чкадиз килигна лишанламишнавай затӀ, кас. 2) куьч. масад. Дуьзмишайла хурал са женнетдин багъ, къерехда авайдаз са емиш гудачни? Е. Э. Ваз зи гьалдикай хабар авачни?
* къерехда акъвазун гл., вуж кардик, мярекатдик экечӀ тавун. Бакуда кӀелерна, хайи хуьруьз хтай са шумуд йикъалай, заз зи дустар: еке са десте комсомолрик ва пионеррик кваз яхдиз яргъал сиягьатдиз физвайди чир хьана. Завай къерехда акъвазиз хьанач. Къ. М. Экуь инсан. Ам общественный кӀвалахривайни къерехда акъвазнавачир. 3. Э. Рамзият Синоним: къерехдилай килигун.
* къерехдилай килигун гл., вуж низ-квез са нин патав ятӀани кьиле физвай кардик экечӀ тавун. Къе за тарариз кӀутаяр язавай. Чухсагъул, аялри куьмек гана. Заз амукьайди къерехдилай килигун хьана. 3. Гь. Ахварай авудай аваз. Синоним: къерех хьана акъвазу н.
* къерех-бужах рах., сущ. тайин чкадин къерех пад. Инсанар ЦӀелехьандин ценера, къерех-бужахда къекъвезва. 3. Э. Кек галкӀизва..