гл.; -да, -на; -из, зава; -а, -ин, -рай, -мир; кьабул авун, кьабул тавун, кьабул тахвун, кьабул хъийимир 1) ни вуж кӀвализ атайди къаршиламишун. Чун кумадик фейилахъди, Пара гьуьрметдал къабулнай: Лугьуз мугьманар хвашгелди Са-сада чи гъилер къунай. А. Ф. Эм-Тэ-Эс. Председателди хушвилелди кьабулна рушавай жузун-качузун авуна. 3. Э. Рамзият. - КӀвализ рикӀинай атайди эркекятӀа, эркекри кьабулда, дишегьли ятӀа, дишегьлийри... Къ. М. Дагъларин дерин рин булахар. Ада чи юлдашар чӀехи гьуьрметдалди кьабулна... М. М. Лезги тӀвар алатӀа. Магьмуд хуьруьнвийри мукъаятдиз кьабулна. 3. Гь. Бубадин кӀвал. Жуван патав атай гьар са кас гьуьрметдивди кьабулна, гьуьрметдивди рекье хтуна кӀанда. Б. Гь. Я «эхь» лугьумир, я «ваъ». КӀвалин иеси мугьманар кьабулун патал хъсандиз гьазур жедай. С. Муслимов. ЦицӀигъ-наме. 2) ни-куь вуч гьакъикъатдив, дуьзвилив кьазвайди яз гьисабун. Гьич къабулич кесибдин гаф, ТагайтӀа ришвет, судуяр. С. С. Судуяр. Ваз писди хьана зи рикӀи кьабулдач. 3. Э. Муьгьуьббатдин цӀелхем. Бубадилай амай варюх маса гана пул жибинда тун адан намусди кьабулзавачир... 3. Гь. Бубадин кӀвал. 3) ни вуч аннамишун. Гъавурда авачирбуру Гьасан Гьафсатан чӀехи велед яз гьисабзавай ва ам имамдин хва хьиз кьабулзавай. И. Гь. КьетӀен малумат. Чи гьакимрин кьайдаяр пак къанунар хьиз кьабулзавайвиляй чун гьа икӀ чӀар текъвез ава. Т. А. Мехъер куьтягь тахьанмаз. 4) жуванди яз кьун. Мад вуч лугьун за ваз, Актив, Дидедин чӀал кьабулдачир. Дидед гайи нек ваз гьайиф, ЧидайтӀа, вун икӀ рахачир. Н. Ш. Гьайиф. Кьин кьазва за, лап къизилдин синидаллаз гъана зи вилик академиквилин шагъадатнама эцигайтӀани, за ам кьабулдач, заз ам герек туш, за, гъелбетда, чухсагъул лугьудай... Р. Гь. Чун чаз килигайла. 5) ни-куь вуж-вуч лап мукьвавиле, багъривиле кьун. # стхавилѐ ~, вахвиле ~. 6) ни вуж са гьихьтин ятӀани пешекарвилиз тайинарун. # устӀарвилиз ~, рабочивилиз ~, студентвилиз ~, заводдиз ~, университетдиз ~. 7) ни вуч нивай кӀелзавайбуруз авай чирвилерин дережа тестикьардай форма кьилиз акъудун. # зачѐт ~, экзамен ~. 8) ни вуж; къуллугъчиди са гьихьтин ятӀани месэла гваз атайдахъ галаз сугьбет ийиз разивал гун. # директорди ученикар вичин кабинетда ~, ректорди студентар спортклубда ~; гьар юкъууз ~, гьафтеда садра ~. * къарар кьабулун, серенжем(ар) кьабулун.
* кьабул авун гл., ни вуч 1) гьакъикъатдив, дуьзвилив кьадайди яз гьисабун. ЧӀугваз тамир на зав и агь, Кьабул мийир на и гунагь. ЧизавачтӀа ваз зи темягъ, Вун гъавурда гьат, гуьзел яр. С. С. Регъуьхбан. Кесибди гайитӀа акьул, Гьич садани ийич кьабул. Пул хьайила, кицӀин гурцӀул Межлисдин итим тушни бес. А. Гь. Кесибди гайитӀа акьул. 2) гузвай, ракъурай са вуч ятӀани жуваз къачун, жуванди яз гьисабун. Дустари дустуниз хийир дуьа авуртӀа, кьабул ( и ) йида. Е. Э. Дустариз. Ийизва за тӀалаб, минет, Вуна кьа- бул ая, гьелбет... Е. Э. КӀан я. Вуна садра и халичаяр кьабул тавурбурун итимриз са насигьат ая, амайбурукни кичӀ акатрай. Ж. Эфендиев. Азадвилин рекье.