сущ.; -ди, -да; -ар, -ри, -ра инсандин, гьайвандин, къушран жендекдик квай кӀеви пай, скелетдин материал. - Бес, чан хва, ахпа фена кӀамуз килигайла, кьве хеб тумар атӀана, кӀирер кутуна кьенвай, садакай амайди тек са кӀарабар тир... А. Ф. Лянет. Гзаф вахтара рекьяй физвай марфадин ятари, жив цӀрана жезвай селлери сурарин кьилихъ галай къванер тухудай, сурарай дуьздал хьанвай кӀарабар аквадай. С. Муслимов. ЦицӀигъ-наме. Цик экечӀна, кӀарабриз тӀал акъатайбур булахдин кьилихъ галай тӀула далудиз рагъ гуз къаткидай. М. Б. Шапка.. * кьуд кӀарабни хам хьун.
* кӀарабрайни акъатдач 'садрани рикӀелай алатдач' манадин ибара. «Амма и зи кьве вилин кӀаник кьейи папаз авур зулум, зун къейитӀани, зи кӀарабрайни акъатдач», -лагьана, кьуьзуь чубан кисна. А. Ф. Лянет.