араб, прил. нин-куьн ятӀани еридив, лишанрив сад хьтин, мукьва тир. Камаллудал вичиз лайих тӀвар хьанайтӀа, кӀандай рикӀиз. З. Къ. КӀандай рикӀиз. Уьмуьр гуьзел, ачух рекьер, Гьерекатда лайих тегьер, Алахъунриз гудай бегьер, Шукур гъида Худадиз за. М. Алпан. Шукур. Лагь, Уьзден, и буйдин гуьзгуь гьахьтинбуруз лайих я. Ада низ вичин суфат къалурун ва гьикӀ къалурун лазим ятӀа. С. Ярагъви ашукь Уьзден. Синонимар: кутугай, кьадай. Антоним: кутугсуз.
* лайих < аваз > хьун гл., вуж низ-квез са нив квев ятӀани кьадайвал хьун, хас яз хьун. Алахьда зун кӀватӀна дерин фикирар, Ишигъ гудай цӀарарин кӀунчӀ дуьзмишиз, Кхьиз абуруз лайих авай шиирар, Зегьметчийрин уьтквемвилиз алхишиз. Ш. Э. М, Пакамахъ. Ма, къачу туп - чил хьиз элкъвей. Пишкешдиз вун лайих хьана. А. С. Хцихъ галаз ихтилат. «Килиг, чӀалаз вун ТахьайтӀа лайих, И гьайванар хьиз хъжеда мад лал...» А. С. Хцихъ галаз ихтилат.