МАГЬЛЕ

|| МЯГЬЛЕ фарс, сущ.; -ди, -да; -яр, -йри, -йра инсанар яшамиш жезвай чкада кьве жерге кӀвалерин ва инсанар, улакьар фин патал абурун арада авай чил. # агъа ~, вини ~, чи ~. Седефаз, са сеферда вини магьледиз фейила, дидедин къужахда авай аялдин кьил акуна. З. Э. Муькъвел гелер. \[Мирим\]. - Валлагь Эфенди, а вини магьледа авай Мегьамед Рзадин сес атӀана лугьуда. Гь. Гь. Колхоз. Кьве йикъалай Цавдаран патав, магьледин аялрилай гъейри, хкведай касни хьаначир. М. В. Гьарасатдин майдандал. Кьурагьрин хуьруьн юкьниюкьвал Хъикьеррин магьле ала. ЛГ, 2003, 4. ХӀӀ. Ам куьгьне хуьр тир, агъа мягьле, вини мягьле лугьуз мягьлейриз пай хьайнвайди. А. Р., Я. Я. Хендедадин мехъер. - Ваалейкум салам! Буюр, ша, ацукь! - Гьажирамазанс вини мягьледа авай шкьакь туьквенчидиз чка къалурна. А. И. Самур. Вири мягьледал алай дишегьлиярни ликбездиз тухвана. Къ. М. Душмандин тум. Синоним: куьче. ☼ 1955 - йисан Орфографиядин словарда, 1966 - йисуз акъатай «Лезги чӀаланни урус чӀалан словарда» мягьле кьабулнава. 60 - йисарилай башламшпна ва орфографиядин эхиримжи словарда магьле кхьин теклифзава. Кхьинра кьве жуьрени гьалтзава. Чун тайин себебралди эвелан къайдадин терефдар я.

* магьле-магьле нар. магьлейралди. ХандакӀ ягъиз, къванер вегьез, Цал эцигиз ебни туьрез, КӀватӀал хьана амле, мирес, Магьле-магьле кӀвалер хьана. С. Лезги мехъер.

МАГЬИРВАЛ
МАГЬЛЕВИ

Digər lüğətlərdə

выно́сливый затми́ться повесели́ть шепотко́м англофи́льство заверша́ть пополне́ть при́нцип ренега́тка уходи́ть корнями explorer gear gem jade heaving line nobbler scoliosis sophistic weepingly запрещать лезть мозаика неправда обвеять расправлять трёхслойный