урус, лит., сущ.; -ди, -да; -ар, -ри, -ра игитдин яшайишдай са шумуд вакъиа ганвай, гьикаядилай чӀехи, романдилай гъвечӀи литературадин эсер. Фатахован «Бубадин весидиз» чавай повесть лугьуз жеда. Ина асул иштаракзавай ксар 23 кас я, асул вакъиани Дадашан хизандин арада жезва. Н. А. Литературадин хрестоматия. Ам гьа чӀехи Гоголан «Иван Иванович Иван Никифоравичахъ галаз гьикӀ хьел хьанайтӀа» -повестда авай хьтин кьил кӀаник квай турпуниз ухшар тир. Гь. М. Хуьруьн муьфтехуьр. «Лацу марал» повесть вич туькӀуьр хьунин ва кхьинин жигьетдай, зи фикирдалди, гьеле алай вахтундани лезги гьикаятда текди яз ама. М. Ж. Лезги гьикаятдин «аламат».