сущ.; - ди, - да; - яр, - йри, - йра тарцел жедай ширин тӀямдин элкъвей куьлуь цилинин емиш. # лацу ~яр, чулав ~яр; ~яр атӀун, ~яр кьурурун. РикӀел ала пӀинидин дад, Абуруз чӀахарин, ашдин ва чумаларни пӀинияр квай чуькведин къадир авай. З. Э. Муькъвел гелер. ЧӀулав спекӀ чранвай, Рагъ кьугъвазвай булахдин яд, Мулдин атир чкӀанвай Майдин сифте пӀинияр, Редискани серг, Пахлаярни цирияр - Жемир анжах серт. А. С. Хцихъ галаз ихтилат.... гьаятдин пипӀе авай пӀинидин зурба тарци... бегьерни гана эхир, чан диде! Гь. Къ. Магьини Дилбер. Дигмиш хьана, хъиткьиниз акъвазнавай помидоррикайни гьим тӀуьна, гьим тадатӀа, чизвач. Яз ибур яргъалди амукьдай затӀар я, куьтягь жезвай пӀинийрин дад ахкуна кӀанда. Б. Къ. Къарачи.
* шурван пӀини.
* пӀинидин тар сущ. пӀинияр жедай тар. Низ кӀандатӀа чайдихъ галаз мураба, Герек адаз пӀинидин тар багъа жен. А. Ал. Шалбуз дагъ.
* пӀинийрин сувар сущ. емишрин булвилин, гуьрчегвилин сувар. Чи халкьдин къадим суваррин арада "КӀару" иллаки тафаватлу я. Адаз гьакӀни "ПӀинийрин сувар" лугьуда. И сувар багълара пӀинияр дигмиш хьайила, кӀубанвилин, булвилинни иервилин лишан хьиз къейд ийида. "Самур" газ., 2002, 25. ӀV. 1959 - йисуз Сулейман-Стальский райондин багълара КПСС-дин обком, райком вилик акахьна ПӀинийрин сувар тухвана, гуьгъуьнин йисуз пӀинийрин - гьам чӀулав, гьам лацу - тарар атӀана, ПӀинийрин сувар, чпел гьалтайтӀа, арадай акъудна. И. Гь. Хуьруьгрин кьуьл - Шарвилидин кьуьл.