араб, прил. са нин-куьн ятӀани терефдар тир. Секиндаказ яшамиш жезвайди - атӀанвай тар я, вичин уьмуьрдилай рази кас - китӀизвай кӀанчӀ я. З. Р. Веси., * рази авун гл., ни вуж нелай-квелай авай, жедай, гуьзлемишзавай гьал гьикӀ ятӀа, гьакӀ кьабулун. И чӀал лагьай Етим Къази, Гуьгъуьл хамир, аярази. Е. Э. Гуьлселем.
* рази хьун гл., вуж 1) нелай са ни ятӀани авур кар, лагьай гаф бегенмиш хьун, хъсан акун. И чӀал лагьай Етим Къази Айиб мийир, хьухь вун рази. Е. Э. Ви рутба гьуьндуьр хьуй. Бадени Саруханалай рази хьана. А. Ф. Риза. Яран дидед зал ийизва дамах, къуншияр вири рази я залай. Б. С. Агат тавуртӀа. 2) квел авай, жедай гьал гьикӀ ятӀа, гьакӀ кьабул хьун. \[Гегьвер\]. - КӀел авун хъсан кар я лугьуда, чан руш, ви стхадини кӀел ийизва. Чидач ман, вун кӀелиз ракъурунал ви буба рази жедатӀа. Гь. Гь. Адетдин къармахра. \[ФатӀимат\]. - Диде, чан диде, буба рази тахьана тач, эгер на адаз минет авуртӀа. Гь. Гь. Адетдин къармахра. Къембер кӀеве гьатна. Рази жез кӀанзавачир. Рази тахьуникайни чара авачир. А. А. Лезгияр. Куь руш Гуьлназ заз бегенмиш хьанва. Эгер рази хьайитӀа, ам уьмуьрдин юлдаш хьана кӀанзава заз. И. А. Гуьлназ. 3) нихъ галаз авай, жедай гьал гьикӀ ятӀа, гьакӀ кьабулун. Гафарни крар дуьз текьвезвайди акурла, Горбачевой девирда ам партиядин жергейрай экъечӀнай ва и кар ада делилламишни авунай, талукь ксар адан делилрихъ галаз разини хьанай. ЛГ, 2003, 13. ХӀ.