урус, сущ.; -ди, -да; -ар, -ри, -ра 1) уьлкведин ва я шегьердин къене политикадинни дуланажагъдин уьмуьр идара авун патал тайин сергьатра чара авунвай пай. РФ-дин виридалайни кьиблепатан сергьятдал алай дагълух Ахцегь район 1929 - йисуз арадал атана. ЛГ. 2004, 15. VӀӀ. Лезги районрикай сифте чкадал Мегьарамдхуьруьн район ( 58,7 агъзур ), гуьгъуьнал Сулейман-Стальский ( 54,0 агъзур ), Ахцегь ( 31,6 агъзур ), Хив ( 20,7 агъзур ), Кьурагь ( 15,2 агъзур ) районар ала. ЛГ', 2004, 24. VӀ. Вичи лугьузвайвал, адан \[М. Жалилова». - А. Г.\] сифте шиир Октябрдин революциядикай тир. Ам 1957 - йисуз Докъузпара райондин «Социализмдин рехъ» газетда чап хьанай. З. Къ. Мердали Жалилован 60 йис... 2) райондин идараяр авай хуьр. - ЧӀехи хва зи, къунши, мад ваз чизва, районда ПМК-дин чӀехиди я. М. В. Гьарасатдин майдандал. ГьикӀ ятӀани зун райондиз фейила, куьчедал гьалтна, зун акурвалди вич зи патав атана... А. Муграгъви. Ажалдин хура. КӀанз-дакӀанз са уькӀуь афни удмишна, Сариядиз «гуьзлемиша» лагьана, хамни гваз ам райондиз рекье гьатна. У. Къемберов. Спелар куьрсарай хам.