фарс, сущ.; - квади, - квада; - квар, - квари, - квара хархар хьанвай куьлуь накьв. Руьхъ вегьена, фур кьацӀурна, Руг вегьена, фур ацурна. Ф. Чубанри хеб гьалзава Рехи хьайи рагарай. Гару пешер чалзава, Руг акъудиз накьварай. А. Ал. Зулун этюд. Ада туьнач векъи къалгъан, Я къатаднач руквада. А. Ал. Крчар алай лам.
* вилериз руг кӀвахун.
* руг гун гл., ни цӀийи кӀвалерин къавуз руг вегьин. Эвелдай цӀийи квалериз дишегьлийри тапракралди руг гудай. Р.
* руг-руг авун гл., ни вуч куьлуь-куьлуь кӀусариз элкъуьрун. Къарийрив гвай муьхкӀуьт, мед авай кьечер руг-руг авуна. З. Э. Муькъвел гелер.
* руг-ругун гл., ни-куь вуч 1) вуч куьлуь-куьлуь кӀусариз, паяриз элкъурун. 2) вуж пучун, рекьин. \[Садикьбег\]. Жанаби дустар! Квез кичезвани. За абур руг-ругда. Ж. Эфендиев. Азадвилин рекье. Полтавадин патав ам Петр Сад лагьайда къаршиламишнай. Гьа инал, Полтавадин патав, ам руг-ругнай. Сад амай кьван адахъ галаз атайбурни вири кукӀварнай. Р. Гь. Наполеоназ къалурай рехъ.
* руг-руг хьун гл. лап куьлуь ва гъвечӀи-гъвечӀи кӀусариз элкъуьн. Ченедик квай истикӀан сарарив кьадайла, мад аватна, руг-руг хьана. М. Б. «Жигули». Садлагьана хъуткьумрайла, машин чкадилай юзана, авахьиз башламишна. Авахьна, ламран къвални яна, клубдин къвалахъ галай шалманда акьуна. Катна фена килигайла, эрчӀи патан фараяр руг-руг хьанвай. М. Б. "Жигули".
* руквади кьун гл., вуж-вуч гзаф руг аваз (алаз) хьун. Нехир хтайла, хуьр руквади кьуна, нефес къачун мадни четин хьана. А. И. Самур. Гьасана вичин кӀвалер куьтягьнавач, айванар тирвал биши руквади кьунва. М. Б. Спелар