сущ.; -а, -а; са шумудакай са кас. Дагъустанвияр тир аскеррикай женгинин баркалла виниз хкажайбурукай сад сержант Абас Исрафилов я. ЛГ, 2004, 22.Ӏ. Мад са шумуд патрулдин кьилиз яд чимна, разведчикар душмандин штабдиз мукьва хьана, сада радиостанциядал гранат вегьедайвал, сада штаб кукӀвардайвал, муькуьдани боеприпасрин склад хъиткьинррдайвал хьана. ЛГ, 2004, 22.Ӏ.
* сад ава кӀанивал, сад ава жеривал мисал 'гьамиша кӀанивал кьилиз акъатдайди туш, жеривилизни фикир це' манадин мисал. Эхирни, ада залан ухьт аладарна, Вичи-вичик: «Сад ава кӀанивал, сад ава жеривал. Жеривал авун лазим я», лагьана кьил хкажна. А. А. Умуд. Мад вучин, сад ава кӀанивал, сад ава. жеривал. А. А. Лезгияр.
* сад амай кьван нар. вири рекьидалди. Къеледавай игитри аман талабнач. Абуру чпикай сад амай кьван душмандин хура акъвазун кьетӀ авуна. З. Р. Гьажи Давуд. Амма Атабеган галатнавай, зайиф хьанвай кьушунри, асланри хьиз, уьтквемвилелди сад амай кьван рей тагана дяве ийизвай. И. А. Гьажи Давуд.
* сад вегьин \[гелягъун\] гл., ни низ \[ нихъ-квехь \] ягъун, лапӀаш вегьин. Къиличаз Палан ажузвал акунач, адан хьуькьвехъ сад геляна. В. М. Гьарасатдин майдандал.