араб, сущ,; -ди, -да; -ар, -ри; -ра 1) винел патан акунар, гьал(ар). Етим Эминаз Тавризда Акунач ви тегьер, суна. Е. Э. Суна, за ваз суьгьбет ийин. 2) къайда. Тегьердин затӀ хьуй, - вун гъафил жез тахьуй... Е. Э. Къавумдиз.. Азербайжан чӀалан грамматикадин къайдаяр бегьем вилив хуьн тавун, гьавиляй гагь-гагь гафарин арада алакъа дин зайифвал ва я дуьз туширвал, бязи гафар азербайжанрин литературадин чӀала ишлемишдай тегьерда ва манада ваъ, лезги чӀала ишлемишдай манада ишлемишун - ибур Сулейманан шииррин азербайжан чӀалаз хас тир лишанар я. М. М. Гь. СтӀал Сулеймана азербайжан чӀалал туькӀуьрай шиирар. Вучиз кьада вуна гъиле власть, вахъ тегьер амач хьи. С. С. Урусатдиз. 3) тайин тир лишанар хас тир гьал. Дармандикай дава хьайи И тегьер азар Гьинава? Е. Э. Дуьньядиз. - Акъуда машиндавай шейэр, - бегенмиш тушир тегьерда буйругъ гана руфун яцӀуда Агьарзадиз. А. Исм. Алукьдай ахвар. Синонимар: жуьре, саягь, къайда. * кардин тегьердин наречие, са тегьерда.