фарс, прил. 1) гъуьргъуь жедай затӀ кӀевиз ялнавай, акъажнавай гьалда авай. Пагьливандиз тӀарам сим лайих я. Р. 2) хъсан акунар авай. Килигзавай кьарай квахьна юкь шуькӀуь, КӀвачер тӀарам - булахдаллай - бикедиз. И. Гь. Рубаияр. РСФСР-дин, халкьдин артистка, рагьметлу Рагьимат Гьажиева пара тӀарам буй-бухах авай дишегьли тир. М. Гьуьсейнов. Дагьустандин музыкантар гьеле хъуьрезма. - Валлагь, чан хан, и Уьзден аз Къазикъумухдай пара тӀарам кӀурт багъишнавалда. С. Ярагъви ашукь Уьзден. \[Гуьлханум\],... Маншаллагь! Вуч тӀарам булушка гьатнава. Тамаш! Н. И, Гьакимрин папар. Синонимар: гуьрчег, иер, къешенг Антонимар: кутугайсуз, эйбежер.
* тӀарам акъваз ! межд. 'игьтият хуьх' манадин ибара. Эй Сулейман, акъваз тӀарам, Лам катда, хьайитӀа хурам,. Гъиле кьуна яцӀу вагьрам Жув къапуд сивел хъсан я. С. С.
* тӀарам хьун гл. гъуьргъуь жедай затӀ ялнавай, акъажнавай гьалдиз атун. Шагь-Буба халуди япунжи чуькьвена кьурла, адан гъилел тӀарам хьанвай дамарри лугьузвай. А. Къ. Нехирбани лекь.