туьрк, прил. 1) багьа тушир, агъуз къиметдин. Са либас гьваш, ам пара ужуз тахьуй... Е. Э. Къавумдиз. Я гунуг течиз, я къачуз, Я багъа течиз, я ужуз, Гафар зурба, серфе ажуз, Ихътин мехеннет кими туш. С. С. Чизмач инсан... «Гьан, - фикирна Къадира, - адал зи бурж алазвайди я; кал, са гьилле туьк \] уьрна, ужуз хьтин къиметдай жуваз къахчуна кӀанда». А. Ф. Бубадин веси.... агъалияр хъвадай михьи целди, яшайишдин ужуз кӀвалералди, чилералди таъминарунин... четинвилер гьалтзама. ЛГ, 2004, 15. VӀӀ. Антоним: багьа. 2) куьч. лазим ери авачир. Синонимар: усал, къиметсуз.
* ужуз авун гл. багьа тушир къиметдал гъун.
* ужуз хьун гл., ни вуч багьа тушир, агъуз къиметдай хьун. \[Элдер\] чи гьукуматди гила цӀийи завудар эцигзава, парча гзаф акъудна, мадни ужуз жедайвал. Гь. Гь. Адетдин къармахра.