араб, прил. виридаз талукь. Зун, вун лугьуз фитне тахьуй арада, Сад ая куь хияларни мурадар. Куь араяр чӀур тавурай чарада, Къуьн-къуьневаз умуми кар вилик твах. Н. Сам. Лезги, вавай жузан за... Вири хуьрерин умуми кавхадилай гъейри, гьар са хуьруь вичин кьилдин кавхани хкязавай. С. Муслимов. ЦицӀигъ-наме. Малум хьайивал, журналистрин... и умуми проект авторитетлу... ксари кьилиз акъудда. ЛГ, 2002, 1. VӀӀӀ. Синоним: виридан.
* умуми гафар сущ. адет патал лугьудай гафар. Умуми гафаралди жузунар-качузунар куьтягьайла, вири секин хьана. Анжах "таниш" - ваъ. М. Б. Шапка.
* умуми образование сущ. вирибуруз хьун лазим тир кӀелун, чирвал. Кьве переписдин арада республикадин агьалийрикай савадлубурун кьадарни гзаф хьанва. 15 йис ва мадни гзаф яшар хьанвай гьар 1000 агьалидикай 895 касди асул, умуми ва мадни виниз тир образование къачунва, ЛГ, 2004, 24. VӀ. Вузра, колледжра, лицейра ва республикадин умуми образованидин мектебра чаз чаради тир диндинни экстремиствилин идеологиядиз акси "иммунитет" арадал гъунин мураддалди кӀелзавай жегьил жаванар руьгьдин марифатдин жигьетдай тербияламишунин кӀвалах активламишна кӀанда. ЛГ', 2004, 26. VӀӀ.
* умуми собрание сущ. тайин са чкада кӀвалахзавайбуру иштаракдай собрание. 1962 - йисан 18-майдиз Мукьтадиран тӀварунихъ галай колхоздин колхозчийрин умуми собрание хьана. А. Шагьмарданов. Майишатдиз регьбервал гуникай веревирдер.
* умуми тӀвар сущ. сад хьтин затӀарин тӀвар.