ХАБАР

араб, сущ.; -ди. -да; -ар, -ри, -ра са никай ва я квекай ятӀани малумат, чирвал. ВутӀна на чи Петроград? Адакай хабар амач хьи. С. С. Урусатдиз. Им дуьз хьунухь Эминан чӀалар хъсандиз чидай ва адан уьмуьрдикан дуьз малумат авай ксарини ва гьам Эминан руша ва хтулди гайи хабаррини тестикь ийизва. М. М. Гь. Шииррин кӀватӀал туькӀуьрайдан патай (1941 ). Бязи хизанар и хабарди лап михьиз къарсурна. Гь. М. Им къван, имни терез. РикӀ мягькем яхъ, зун элкъвена хкведа, шад хабар ваъ, чӀуру хабар гваз. Н. М. Буба. Синоним: ван-сес.

* хабар авун гл., ни низ са никай-квекай ятӀани малумат агакьарун (Гегьвер\] -... Чавай ваз хабар ийиз хьанач. Гена, Аллагьдиз шукур хьуй, вун хтайди, гьазур, хъсан вахтунда, ви вах рекье твадайвал. Гь. Гь. Адетдин къармахра. Синонимар: хабар гун, хабарун.

* хабар гун гл, ни низ са нин ва я куьн ятӀани гьалдикай масадбурув малумат агакьарун. Стха, на зи дердерикай Са хабар це дустуниз. Е. Э. Дустуниз хабар це. Эслиди гъуьлуьз шегьердай. Салигь хтанвайдакай хабар гана, кӀвализ хъша лугьузвай. З. Э. Муькъвел гелер. - Я хва, Мегьамед, сенфиз хтай вуна чаз вучиз хабар ганач? Н. Насруллаев. Кьве Мегьамед. Синонимар: хабар авун, хабарун.

* хабар кьун гл., ни нивай 1) са вуж ва я вуч ятӀани чириз суал гун. Далалубегьлиди икӀ лугьуда: "Рекье гьалтай нивай хьайитӀани, гьинай ятӀа ва тӀвар вуж ятӀа, хабар яхъ". Ф. Далалубегьли. Далалубегьлиди ахьтин гаф гуда: "Межлисда ацукьа ша, вавай хабар кьун тавунмаз, жуван шей арадал вегьимир". Ф. Далалубегьли. Гуьлселем къаридивай хабар кьурбуруз маса жаваб гьатна || А. Ф. Риза. Забитавай кьамир хабар, вуча уьмуьр, вуча зегьмет, Масдан зегьмет незвай са кас, элдин юкьва тан лугьумир. З. Р. Лугьумир. Райкомдин секретарь юлдаш Мерданова Хадижат рахазва. Ада колхоздин кӀвалахрикай хабарар кьуна. З. Э. Муькъвел гелер. 2) са вуж ва я вуч ятӀани авай гьал чирна, адаз куьмек гуз алахъун. Веледдикай хабар такьар, Вун хьтин залум диде жедани? Ф. Фикир мийир, гуьзел суна. Эмин шад я вун акуна, зи гьалдикай хабар кьуна, рикӀ дердиник кваз хьайидаз. Е. Э. Эмин гада. Вуна закай хабар такьун Вучиз ятӀа жузаз кӀан я. Е. Э. КӀан я.

* хабар никай гун, хабар... кӀус зарафат кваз 'яб це, за ваз цӀийи хабар ахъайда' мана авай ибара. Хабар никай гун за квез, хабар Уста Рамазанакай. Ам гъиляй гьи кӀвалах хьайитӀани къведай халис устӀар тир. А. М. Аламатдин таж.

* хабар такьун гл., ни 1) рахун тавун, диндирмиш тавун. 2) куьмек тавун. Муькуьбуру, нефсинин есирдавай ксари, чеб ацӀурда, халкьдикай хабар такьаз, чеб жакьваз тада. ЛГ, 2004, 12. VӀӀӀ.

* хабар хьун |галукьун) гл., ни нив са вуч ва я вуж ятӀани авай гьалдикай чирвал агакьун. Гьар са уьлкведа дишегьли сад хьайитӀа, Алай чка яргъамаз хабар жеди. Е. Э. Кьве паб. Хьайивал хабар галукьна, Валай ахьтин кар алакьна. Е. Э. Ваз маса яр хьана, гуьзел. \[Гегьвер\]... Гила, артух халкьдиз хабар тахьанмаз, чна лишанар элкьуьр хъийин. Гь. Гь. Адетдин къармахра. Халу тарциз акьахзавайла, адаз хабар тежервал, хтулди явашдиз адан шалвар хутӀунна. Ф. Халуни хтул.

Х
ХАБАРДАР

Digər lüğətlərdə

взды́бливать вы́ходец Дед Моро́з испе́чься кише́чный оевропе́ивать перекрести́ться прите́чь расха́ивать бели́льный беломо́шник вынесе́ние кожа́н короткометра́жный подзабо́рник брандахлыст гурда den up domestic wastes ecossaise heart's-blood indiscoverable peripheral Thunder Bay travel film