араб, сущ.; -ди, -да; -яр, -йри, -йра 1) дидедин стха. Садра халуди хтулдиз масан... тум це лагьана афнидин хъсан... Амма цайила - экъечӀна турпар. А. Ал. Садра хтулди... 2) жувалай яшариз чӀехидаз гьуьрметдин лишан яз ишлемишдай гаф - Ахпа пиян жез тахьуй гьа, халу, - лагьана буфетчикди. - Вуна хъванваз аквазва. М. Садикь. Дуст. За адаз Тагьир халу ваъ, Хуьруьг Тагьир халу лугьудай. А. Э. Шаирдин тарсар.
* халуд хва сущ. дидедин стхадин гада.
* халуд руш сущ. дидедин стхадин руш.
* халуд свас сущ. дидедин стхадин паб.