Я

кӀус нив рахазватӀа, адан фикир желб авун патал ишлемишдай гаф. Къвез хъфида вун булахдал, галаз таяр, я, бахтавар. Е. Э. Я бахтавар.

* я киф атӀайди рах., обр. дишегьлийри, чеб-чпив рахадайла, къаргъиш яз ишлемишдай ибара. - Дах, дах, - лугьуз, руша адан кьил юзурзавай. Рушай гьарай акъатна. Вуч хьана, я киф атӀайди? - дидени, муькуь рушни акъат хъувуна. М. Б. Футболист.

* я кьарай атӀайди (атӀайбур) рах., обр. итимар, сад-садав рахадайла, ишлемишдай ибара. - Я кьарай атӀайбур. югъ нисини жезва... Са кьас фу недалди. Р. Гь. Лацу цавун кӀаник.

* я Сад Аллагь ! межд. мягьтелвал, наразивал, шадвал къалурдайла, ишлемишдай ибара. Я Сад Аллагь, кьенин югъди зи вил рекьи тухузвай, пакамахъ кӀвалер михьдайла, мугьманхашни акуна. А. Р., Я. Я. Хендедадин мехъер.

* я хвайди нугъ., обр. тай-туьшдихъ галаз рахадайла, адан фикир желб авун патал ишлемишдай гаф'. - Урус Абас адан хуьруьнви гьикӀ жеда, я хвайди?-суал гана масада. З. Э. КУТВ-диз фена. Я 5 кӀус сад-садан къаншарда авай манайрин предложенидин членар алакъаламишзавай гаф. ИкӀ чидайтӀа, зун фидачир, Я фейила, чин гудачир. Е. Э. Мугьмин тун тавур папаз. Я гьакъикъат, я шариат, я тӀерикъат Гьинава? Е. Э. Гьинава.

* я йифиз (йифен) ахвар авач, я юкъуз (йикъан) кьарай 'эсиллагь маса кардив эгечӀдай мумкинвал авач' манадин ибара. Гуьлназаз я йифиз ахвар авач, я юкъуз кьарай. И. А. Гуьлназ.

* я тахьайтӀа союз къаншарвал къалурдай ибара. ГьакӀ ятӀани, амукьайла субайдиз, Я тахьайтӀа, гъетрехъ галаз, вили тир, Цавариз ваъ, дишегьлидиз лайлай хьиз, Лугьузва за: « Чухсагъул ваз, кӀаниди!». А. С. Чухсагъул ваз. Ваз са шешел къизил кӀандани, я тахьайтӀа са шешел акьул? - Акьул. - Гьарда вичиз авачир затӀ тӀалабир кьван. "Самур" газ., 2002, 19. Ш. Синоним: я туштӀа.

* я туш \[туштӀа\] союз къаншарвал къалурдай ибара. Сифте килигайла, ам Бакуда, я туш Тифлисда янавай шикил хьиз жезва. ЛГ, 2003, 25. XӀӀ. Дагъустандин ва Россиядин гъакимри Азербайжандин гьакимрихъ галаз кьве патазни хийир жедайвал, икьрардал атана, меслят авуна, чи товар Азербайжандин базарриз ахъа авуртӀа, я туш келемар кьабулдай пунктар ачухайтӀа жедачни бес? ЛГ, 2004, 5. VШ. Белки, Велимета анал чпин тухумди чӀугур зегьметар аннамишзавай жеди. Я туштӀа, бязибуру хьиз, адани чпин никӀел дамах ийизвай жеди. М. В. Гьарасатдин майдандал. Синоним: я тахьайтӀа.

* я тӀиб < кӀаник >, я тӀаб < кӀаник > ! межд. « хьайиди ана жеда» манадин ибара. Сятдин кьвед хьана. «Я тӀиб кӀаник, я тӀаб кӀаник!» -лагьана, Махсуда сиристав яна. Ахпа фарсункаяр туьхуьрна. З. Э. Муькъвел гелер. - Ваъ, акӀ жедач, - рахана Камал вич-вичик, буругъдиз гьахьиз-гьахьиз, - садра килигна кӀанда. Бубайри лугьудайвал, я - тӀиб, я - тӀаб. Б. Гь. Вили вилер.

* я чухулди, я азулди мисал 'я гзафди, я тӀимилди' манадин ибара. Вучиз агъанал алай совхозда инсанар чеб кеспидал ракъуруниз минетчи жезва? Вучиз лагьайтӀа вацра кьве сеферда адан гъилиз векьрекьдайбур къвезва. ТахьайтӀа вуча? Фена кӀвалахал хтана. Фена. Хтана. Гьан, кхьихь зегьметдин йикъар, къе кхьихь, пака кхьихь, муькуь къуз кхьихь... Са вацра кхьихь. Са йиса кхьихь. А кьиле ахпа я чухулди, я азулди. Б. Гь. Къарид руш. азерб.: я чох олды, я аз олды.

Я
ЯБ

Digər lüğətlərdə

занеду́житься заста́ивать захуда́лый неотлу́чно обга́диться обнесе́ние опти́ческий подсека́ть сортиро́вочный торцо́вщик грести́ колеба́ться обноси́ть оргтехмероприя́тие ре́зка шанта Jap laying-off linsey-woolsey provirus unexpressive перемена подозрительно сослаться ускользнуть