туьрк, прил. гьерекатриз йигин тушир, зарб тушир. Крар - яваш, гафар - еке, Я вирт чидайд туш, я сирке. Вичин рикӀиз кӀанда шуьшке Гатаз, масмар, мих тийижиз. С. С. Яваш рахадайди, яваш къекъведайди, къари, бегьем итим туш, гъакӀан пиле я. Гь. Къ. Четин бахт. Яваш лепейрин секин сесинини кул-кусрин пешерин куьлуь ванерини кваз зи рикӀел абур хкизва. М. В. Вацран ягъун.
* яваш хьун гл., вуж-вуч 1) гьерекат йигин тушир, зарб тушир гьалдиз атун. Вахтуни чӀулаварнавай и къван акурла, Абасан еришар яваш хьана, гуя адаз вичин кӀвачери тамун секинвал, сирлувал чӀуриз кичӀезва, гьакьван мукъаятдаказ, гьакьван астадаказ камар вегьез башламишна. М. В. Гьарасатдин майдандал. 2) векъивал тӀимил хьун - Гьибур я? - хъел яваш жез башламишна адан. М. Ш. Нукьса нар. - Ви Кьасумхуьрел вуч мирг алай? - сакӀани секин жезвачир эме... - Текьена гьикӀ амукьна? Эхир са тӀвар гъида вунани чал, - къвез-кьвез яваш жезвай ам. М. Б. Шапка. 3) кьиникьихъ агалтун. Ам накь лап яваш хьанвай. КӀелни элянай. Р.
* яваш-яваш (яваш-явашдиз) нар. 1) йигинвал квачиз. СикӀре вич кьейидай кьуна пехърен вилик ярх хьана. И кар акур пехъ яваш-явашдиз сикӀрев агатна адаз кӀуф ягъиз кӀан хьана. Ф. СикӀни ахмакь цӀегь. Нажмудин яваш-яваш кӀеверай акъатзавай. А. А. Нажмудин Самурский. Куьчедин шегьре рекьяй яваш- яваш балкӀанрин кӀвачерин ванер къвез башламишна. А. И. Самур. Рагъ акӀизва - мичӀ гьахьзава Самурдиз, Яваш-яваш хкажзава гару ван. А. Ал. Рагъ акӀизва. Хуьре яваш-яваш секинвал артух жезва. М. В. Гьарасатдин майдандал. Экономикадин ва обществодин рафтарвилер яваш-яваш вилик физвайтӀани, халкьдин уьмуьрда хъсанвилихъ физвай шартӀар авачир. Д. Джамалов. Лезги литература. Учебник. VӀӀӀ кл. Синоним: аста-аста.