фарс, сущ.; -ди, -да; -ар, -ри, -ра 1) ракьни, хром, титан - металларни чеб акахьна арадиз атанвай, къиметдиз багьа, вичи цӀарцӀар гудай минерал. Гьар гьи касди вичин рушакай хабар гайитӀа, гьадаз вичив чӀугур къван къизиларни якъутар гуда лагьана пачагьди малумарна. Ф. Кесибдин хва Къагьриман. 2) поэзияда: багьавилин, гуьзелвилин, надирвилин образ. Чан дагъдавай хаму жейран, Ухшар я ваз якъут, маржан. Е. Э. Вун хвашгелди, сафагелди. Къизилгуьлдиз ухшар ава, Жасад якъут къашара ава. Е. Э. Назани. 3) ( чӀехи гьарфуналди - Я) дишегьлидин хас тӀвар: Якъут. 4) итимрин тӀварцӀин пай: Якъутали. Эверна вичин кабинетдиз парторг Мирзалидиз, профкомдин председатель Гьашимаз, кьилин инженер Якъуталидиз, кьилин агроном Сарудиз, лагьана... А. Фет. Кьерен къванер. ☼ И гафуникай гегьенш суьгьбет кил.: А. Гуьлмегьамедов. Якъут || "Лезги газет", 1993, 18.ӀӀ.