туьрк. сущ.; -ди, -да;, -ар, -ри, -ра кӀвалах кьилиз акъудун патал са касди масадаз лугьузвай минетдин гафар. Вун япар авачиз ван къведайди ялда. Бес Ваз чан аламаз сура твазвай зи ялвардин ван вучиз кьвезвач. З. Э. Муьгьуьббатдин цӀелхем. Синонимар: минет, аман-минет.
* ялвар авун гл., ни низ дериндай минет авун. Гьар купӀунин эхирда кьве гъил хкажна Аллагьдиз ялвар ийидай. - Я, Аллагь, ваз зун язух ша. Вуна Аслан бала-кьададикай хкуд. Саламат ая. З. Э. Муьгьуьббатдин цӀелхем. МискӀинра ва хуьрерин майданрал туьрквериз нуьсрет гурай, «кафиррини нуьсрет атӀурай лугьуз дуьаяр кӀелиз фекьияр кьиле аваз халкьарив Аллагьдиз ялвар ийиз тазвай. А. И. Самур.