гл., ни вуч; -да, -на; -из, -зава; -а, -ин, -рай, -мир 1) са вуч ятӀани кьуна, гваз фин. Гъурбатда ада гьамиша ийизвай кӀвалах памбагдай чимиз-чимиз ацӀурнавай харалар ялун тир. С. М. ЦицӀигъ-наме. Къуьнел квар алай рушар акурла, гъейран жемир абурал, гадаяр. Гьаятриз яд чӀугуникай фикир ая. «Кварце яд кьайиз амукьда» лугьузвани куьне? Аваз хьурай кварар кӀвалера, кӀандайда яд хъурай. Анжах жуван дидедин, жуван сусан, жуван рушан къадир авай касди дишегьлийри ихьтин залан пар ялуниз рехъ гана кӀанзавач эхир. С. К. Квар. Зул атайла, тевледиз Яла залан чувалар. Ш. Къ. Перт кьуьзуьбур. 2) са терефдихъ чӀугун.' Са патахъди вижеваз алгъанвай и къванци, на хиялда, къужа магнитди хьиз вичелди ялзава, вилер адал алкӀана хьиз физва, гьерекатзава... М. В. Гьарасатдин майдандал. 3) майил авун (са вуч ятӀани кьилиз акъудиз). Намруда хьиз, ялдай вуна, Фикир тагуз кьейибуруз. Е. Э. Дуьньядиз. ЦӀийи чирвилерихъ ялзавай, уьмуьрда вичин чка жагъуриз алахънавай ам, са акьван четинвилер ацалт тийиз, уьмуьрдин гурарай хкаж хьана. ЛГ, 2003, 27.. XӀ.