прил. кефер патахъай лезги халкьдин къунши миллетдин, лакрин. Сад чи патара яшамиш жезвай, муькуьдини яхул пата. С. Ярагъви ашукь Уьзден. Ачухдиз лугьуз жезвачиртӀани, пара кьадар чкайра жезвай къалабулухрин крари, Лезгистанда ханвал ийизвай яхул ханари къалабулух кутазвай. С. Ярагъви ашукь Уьзден.
* яхул далдамар сущ. далдамрин жуьре. Яхул далдамар хуртиз тахьай, Авар зуьрнеяр сустиз тахьай, Сазанал тӀуб аламай, Сунадал рикӀ аламай, Лишанлу хуьре амай Азиз хва вай зи. Ф. Хва кьейила дидеди.
* яхул даллай сущ. 1) мани ядай гьавадин тӀвар. Аман даллай, риддаллай, Яхул даллай, ридаллай! Вахъ этирдин ни галай. Ф. Диллай. 2) яргъал ва манасуз ихтилатар. 3) Кьуьлдай макьамрикай садан тӀвар. Я са яхул даллай, - лагьана межлисдин юкьвал экъечӀай жегьилди. Р.
* яхул цӀвелер сущ. яхул жуьре хкатӀнавай цӀвелер. КъатӀ ягъай яхул цӀвелериз кьий. Ф. Кулугъэгьли кьейила.
* яхул чӀал сущ. яхулрин (лакрин) дидед чӀал. Дагъустандин писателрин. Союздин орган тир литературно-художественный ва общественно политический «Литературадин Дагъустан» журналар вад чӀалал - авар, дарги, къумукь, яхул ва лезги - акъатзава. "Самур" журн. No 23.