сущ.; -пуни, -пуна; -пар, -пари, -пара 1) партал цун ва хцун патал лацу металлдикай гьазурнавай хци кӀвенкӀ алай ва гъал акалдай гьалкъа галай махсус алат. Шалам чилел эцигна, капан юкьвалди ягъиз раб сухиз, тӀеквен акъудиз, ахпа сивяй чӀугур кӀвенкӀ алай еб тваз ада пине шаламдик кукӀурзавай. З. Э. Муькъвел гелер. Ингье кӀамун агаж хьанвай хьтин дар кӀанни, рапунин къекъуьмдай аквадайди хьиз, са уьтери кьатӀуниз жезва. Т. А. Мехъер куьтягь тахьанмаз. Авач касни вав рабни гъал вугудай Бижгъер жезвай валчагъ хцун паталди. А. А. Девирдин тӀал. 2) инсанрин, гьайванрин бедендик дарман кутадай махсус алат. Лугьуда хьи, ара-бир дарманрилай, рапарилай духтурдин ачух рикӀи, хъсан рафтарвили инсан сагъар хъувуниз куьмекда. К., 1989, 18.08.
* раб гьинихъ фейитӀа, гьални гьанихъ фида мисал 'чӀехида вуч авуртӀа, гъвечӀидани гьа кар авун лазим я манадин мисал. Райондай ваз кӀвалахни жагъурда чна, ви юлдашдизни са чка аквада. Вуна адаз акьван яб гумир. Вахъ жуван итимвал хьухь, жуван лезгивал хуьх. Раб гьинихъ фейитӀа, гъални гьанихъ фин лазим я. Итим кӀвалин раб я, пабни - гъал. М. В. Гьарасатдин майдандал.
* раб шешелда чуьнуьх жедач мисал 'тайин маналу шей инсанриз таквадайвал ийиз жедач манадин мисал. Гьикьван чалишмишвилер авуртӀани, раб шешелда чуьнуьх жедач лугьурвал, анжах 1994 - йисуз рагьметлу шаир, общественный деятель Изет Шерифован ва адаз шериквалзавай маса ватанпересрин алахъунралди гьахъ винел ахкьалтна. Д. Шерифалиев. Къабил бубадихъ галаз гуьруьш. урус. шила в мешке не утаишь.
* раб ягъай яргъан сущ. цвалар янавай яргъан.
* раб ягъун гл., ни низ-квез бедендик рапуналди дарман кутун. - Я Жафер, са раб ярай. Дарманар я, духтурар я, белки са регьятвал жен. Мад кӀвализ атай духтур чукурич гьа, айибар хьана хьи. З. Гь. Уьмуьрдин сирнав. - Зун хвена чӀехи авур, заз фу гайи, зун пешедин иеси авур буба, са раб хъияна, секин хъия тӀун, гьадазни регьят хъижедай, вунни архайин хъижедай, - лагьайбурни хьана. Н. М. Буба.
* раб ягьун 2 гл., ни квез парчадин затӀуниз рапуналди цвалар авун. Яргъандиз раб яда - мес гуьрчегарда. Р.,