1. Ötüb keçmək (çoxları haqqında).
Oradan sürətlə ötüşdük.
[Ovçular] da mümkün qədər səs-küysüz ötüşməyə çalışırlar.
2. Gəlib-keçmək, ötmək.
Ötüşdü aylar, illər, evləndik o da, mən də; Ayağımız kəsildi bir-birinin evindən.
// Keçib-getmək, uzaqlaşmaq.
Buralardan yüyür, tez ötüş barı; İlxının kişnəyir ayğır atları.
3. Yüyürməkdə, qaçışda yarışmaq, birbirini ötməyə çalışmaq.
Yığıb çantalara yerdən-yemişdən; Yolda gah yüyürüb, gah ötüşərdik.
4. Birtəhər yaşamaq, güzəran keçirmək, keçinmək, dolanmaq. Çətinliklə ötüşmək.
– Ailə isə pendir, çörək və bu kimi şeylərlə ötüşürdü.