туьрк. сущ.; -ди, -да;.-яр. -йри, -йра 1) бахтсузвал, ийир-тийир хьанвай гьал. Гъуцар ганвайд гуьнуькъара, я туштӀа чаз бегьер я жал. Е. Э. 2) бахтсузди, ийир-тийир хьанвайди. Виридаз, гуж хьай Хатун, чи хесетарни крар чир хьана... Гила, вучда, гуьньуькъара? Къ. М. РикӀелай фидач, инсанар. \[Гуьлхалум\]. Гьагуьнуькъара?! Лап хъсан, за адаз ийидайди ийида. Н. И. Гьакимрин папар.
* гуьнуькъара авун гл., ни-куь вуж; ни нин-куьн; рикӀ туькьуьларна, ийир-тийир течир гьалдиз гъун. Гадади кӀелзавач, ада зун гуьнуькъара авунва. Р. Ни эцигна вун зи, хура, Сятиналлай хьиткьин хьтин? Ийида зи гуьнуькъара. На са юкъуз секин хьтин. М. Б. РикӀ.
* гуьнуькъара хьун гл., вуж рикӀ туькьуьларна, ийир-тийир течир гьалдиз атун. Адани, зи гуьнуькъара хьайи гъуьлуь, гьикӀ туькӀуьрнатӀа, заз чидач... Къ. М. Дагъларин деринрин булахар.