сущ.; -или, -иле: -илер, -илери, -илери сада-садаз гьуьрмет авунин, сада-садан хатур хуьнин гьиссерал бинеламиш хьанвай алакъаяр. И дуьньядал дуствилелай мад виниз са нямет авач. Е. Э. Чуьхвер. ИкӀ жедани кӀанибурун дуствилер: Са жизвидал на ви чанда тваз хъилер? Е. Э. КӀани яр. Серф гъатайла, къастда кӀасиз, Дуствилин эхир эюедайд туш. С. С. Къара пулуниз. За халис дуствиликайни лезет къачуна; зун акьалтӀай хаинвилини кана. 3. Р. Веси. Заз и дуьньяда такур затӀ амач. Багьа ятӀа ваз фу, ашкъи ва дуствал, Ислягьвал хуьн чна - дуьнья хъуй къени. Ш. Къ. Ислягьвал. Дуствал ахьтин чӀехи нямет я хьи, вири халкьарин ата-бубайри гележегдин несилриз ам вилин нини хьиз хуьн веси ийидай. М. М. Виш йисарин имтигьан. Дуствилелай и дуьньяда Еке къуват авайди туш... Ш. Ю. Кьисмет. Антонимар: душманвал, мидявал.
* дуствал (дуствилер) авун гл., ни дуствилин алакъайра хьун. Нивди дуствал ийин за, нивди ара? Е. Э. БалкӀан квахьайла. Силисчи Мусади сифте Алидихъ галаз, ахпа ам са чуьлдиз тухвана, гъана шишкабаб недай чкадал яна кьена. Я. Къ. Тахсара.. Антоним: душманвал авун.