туьрк, сущ.; -ди, -да; -яр, -йри, -йра инсан авай гьал. Гьар межлисдал дамах саз я, кефи чагъ... Е. Э. Ваз зи гьалдикай хабар авачни? Вуна ваз яр гуьзетмишиз, Ви кефи хупӀ чагъ я Тайгъун. А. Гь. Тайгъун.
* кефи(яр) ачух хьун гл., нин 1) шадвилин гьиссер акатун. Вун акурла, зи кефияр ачух хьана. Р. 2) азарлудан гьал хъсан хьун.
* кефи хун гл., ни нин дакӀан кӀвалах авун, хатур амукьдай кар авун. Наз маса гайтӀа, на зи кефи хада... Е. Э. Ярдиз. Гьар намерддив хьунухь ара, Эхир кефи хун я, валлагь. С. С. Несигьатар. Гаф лагьайла, кефи хадай, Мез жедан бес акӀ рахадай? С. С. Шумудакай зун квез рахан, Шумудан кефи за закай хан. С. С. Бязи тарта. Аялдикай гада ваъ, илан хьанвай. Ада кефи тахай, рикӀиз тӀарвал тагай садни тазвачир я кӀвале, я хуьре. А. Эсетов. Инсан хьанач. Лейлиди кӀусни геж: тавуна цура авай дана гана, гьинай ятӀани вичин рикӀиз гзаф кӀандай, садрани вичин кефи хун тавур Абдулаз хъсан са чуьнгуьр гъида. Б. С. Халкьдин Ашукь, руьгьдин шаир. - Я гадаяр, ам за авур кӀвалах туш эхир. Я заз тфенгни авай затӀ туш. За куь кефи гьикӀ хан? С. Ярагъви ашукь Уьзден.
* кефи(яр) кӀубан \[куьк, къумбар\] хьун гл., нин Гьарфар кӀелна куьтягьай ЦӀицӀалидин кефияр тӀимил куьк хьана. Ф. ЦӀицӀали. ТӀуьна, хъвана кефияр кӀубан яз къацу чӀурал ярх хьанвайди чуьхвер таран гьеле пеш ахъай тавунвай хилерин арадай вили цавариз килигзавай. Беделахтул. Ях Лезгидин мах. Гатфарал акьалтна кефияр куьк хьанвай нуькӀвери пакаман гьавайрик кекяна. Б. Гь. Кефияр куьк хьана абурун ТӀем акур мугьманрин... Ж. Им вуч хесет я. Кефияр куьк хьана папан, ТӀуьнач лугьуз ниси мад къе. Ж. АтӀана чи ниси лугьуз...
* кефияр гьикӀ я \[ава\]? фадлай такурбур, сад-садал гьалтайла, гудай суал. Абур гьич, ваз хвашкалди, сафагелди, Ви кефияр, къаридин кефияр, аялрин кефияр гьикӀ ава? С. Хванахва.
* кефияр куьк хьун гл., нин; кефияр къумбар хьун. СикӀрен балаяр акурла, жанавурдин кефияр куьк хьана. Ф. Куткунда гьатай жанавур.