гл., ни вуч; гл., ни вуч; -уда, -уна; -уз, -узва; -у, -ун, -урай, -умир; къачун тавун, къачун хъийимир 1) са затӀунихъ пул гана ам жуванди авун. Микрофондин чкадал гъвечӀи репродуктор къачуртӀани жеда. А. Р. Чинебан савкьват. Ам гъилихъ галай къизилдин сятиниз килигна. Ам шаз Зугьраба къачурди тир. А. М. Киф атӀайди. 2) са чкадилай хкажна жував кьун. Квар къачуна фирла никӀиз, гьерекатмир акьван кӀевиз. Е. Э. Къарагуьз. Са сеферда, дидединни зи арада пис къалар хьайила, зун, ебни къачуна, цуриз фенай. А. М. Киф атӀайди. Гьамиша эцигзавай чкадилай къачур куьлегдал гьаятдин рак ахъайна, жегьил, вичин кӀвачи гел къунвайвал, халадбурун салаз дигизва. Б. Къ. Къарачи. 3) жуванди авун. Чирвилер датӀана къачудай затӀар я, тежриба яваш-яваш къведа. Самур, 2002, No 23. 4) ахтармишиз, са вуч ятӀани чириз килигун, тамашун. Статьяяр къачуна, абур тупӀалай ийиз эгечӀна. А. Фет. Межид Гьажиевакай гаф. 5) «месела» гафунин манада. Ингье адан сифте ктаб «Вили велер» къачун. ЛГ, 2002, 15. V. * вай къачун, гъил къачун, дамах къачун, кам къачун, кьил къачун, лезет къачун, нефес къачун, хийир къачун, тади къачун, чешне къачун.