сущ.; -или, -иле; -илер, -илери, -илера кар, гьал; гьерекатдиз аксивал, вилик финиз аксивал. Гамтидиз вичин крчар гьикӀ залан туштӀа, зазни а чӀуру хъчарни кул-кусар са манийвални туш. Б. Гь Заз эвера. - Кьилди зи кӀвал я, - гъавурда туна ада зун, -кӀелиз манийвал тахьурай лугьуз, заз кьилди кьилихъ тавхана ганва. З. Гь. Лезгийрин риваят. Чаз малум тирвал, Султанагьмеда са чӀавузни маса касдин хийирдиз манийвална, вичиз къулайвилер авурди туш. ЛГ, 2000, 8. Ш. Лугьун хьи, чкадин властрин, гьукуматдин ва общественный идарайрин тешкилатрин патай чаз гъич са манийвални авач. Д. Шерифалиев. Къабил бубадихъ галаз гуьруьш,
* манийвал авун \[гун \] гл., ни низ-квез тайин са кар кьилиз акъуддай шартӀар тагун. - Эхь, куьне хъсан фикир ая, - лагъана Аслана, - абуру чаз, хуьре тухузвай гьи кӀвалахдиз хьайитӀани, манийвал гузва. А. Ф. Газет. Рационализациядин ва изобретательстводин жигьетдай кӀвалах гегьеншаруниз цӀийи заводда лазим тир шартӀар бегъем тахьуни, дугъриданни, манийвал гузва. З. Э. Кьве фронтдин командир. Ахпа са манийвални тийизвай Айисат виниз хкажна къужахламишна, темен гуз кӀан хьана... А. А. Лезгияр. За ваз манийвал гузвач, за анжах ви рикӀел накь авур меслят хкизва. С. Гь. КӀири Буба, Синоним: манийвалун, рехъ тагун.