сущ.; -ади, -ада; -ар, -ари, -ара циферикай стӀалрин жуьреда авахьзавай яд. # куьлуь, къалин, ~ къун, ~ акатун, къати -. Имир, имир, имир марф, Тефей чка пгамир, марф! Ф. Ирид сефер къвана марф, хар, ирид сефер цавал акьалтна чӀулав булутар. Ф. КӀеви ахвар Марфадин йри стӀалар кьериз-кьериз аватиз башламишна. Юргъ акатна... М. В. Гьарасатдин майдандал. Абур дередай дагъдиз хкаж хьана куьтягь жедалди цифеди рагъ кӀевна, кварцяй эчӀарзавай хьтин гужлу марф къваз эгечӀна. А. И. Самур. Эхиримжи адет марфар къурун ва я герек атайла, марфар акъвазарун патал гъуцраз икрам авунихъ галаз алакъалу ятӀани, и сувар кьилиз акъуддайла агьалийри манийрин югъ тешкилдай. М. М. Лезги тӀвар алатӀа.
* марф (къвал) хкатун гл. к ъвазвай марф акъваз хьун.
* марфадилай гуьгъуьниз экъечӀавай къарникъузар хьиз ( къарникъузрин тегьерда) гзаф, кьадардилай артух. Бажи Идаятовна, "халкьдин жерягьар" марфадилай гуьгъуьниз экъечӀнавай къарникъузрин тегьерда гзаф жезвай алай вахтунда пешекар жерягьар абурун арадай гьикӀ жагъурда? Ж. Гь. "Магистрдин гъед" Бажи.
* марфадикай хкатна, селдик акатна мисал кьилел генани еке дуьшуьш атана.