\[ппек\] сущ.; -пни, -ина; -ер, -ери, -ера 1) кӀвалин майишатда ишлемишдай парчадин кӀус. Айнади, айвандик экъечӀайла,. жуьреба-жуьре рангарин пекерикай цванвай кьелечӀ питиган алай стулдал ацукьайла, стхадиз гъил кьуна хвашгелди лагьана. А. Исм. Вацран мичӀер. Са арани фенач, пекерикай раснавай туп киме. ч акъатна. С. Ярагъви ашукь Уьзден. 2) партал. Са юкъуз Касбуба цӀару пекер алукӀна, чинни чӀулаварна, алишвериш авун патал базардиз фена. Ф. Муьштерияр кӀватӀун патал. Пашади савдагаррин пекер алаз кьве кас векилар ракъурна Астарадиз. З. Р. Гьажи Давуд.
* пек-лек рах., сущ. 1) кӀвалин майишатда герек тир парчадин ва маса куьлуь-шуьлуь. КӀвалин кӀвалахар - аялдиз килигун, хапӀа-шурпа авун, мал-къарадиз къуллугъ авун, кӀвале пек-лек чуьхуьн ва амай гьа ихьтин крар дишегьлидин хиве авайбур я. З. Э. КУТВ-диз фена. Чпив гвай пек-лек экӀяйна, азарлуйри югъ-йиф куьчейра акъудзавай. М. В. Гьарасатдин майдандал, ЧӀехи суса вичин аялдин пек-лек чуьхуьзвай. Н. Шихнебиев. КӀвалин референдум 2) алукӀдай партал. Вичел алай пек-лек, уьстуьбаши куьгьне тиртӀани, туькӀвей къаш-къамат авай жегьил Назанидиз, вичин вил акьунамаз бегенмиш хьанвай. З. Э. КУТВ-диз фена. Москвадай Теджендиз агакьдалди... чпел алай вил хкӀадай хьтин пек-лекни маса хгана, хьайи пулни мемекъуьртӀ хьанвай жегьилар генами гьеле меркезбан уьмуьрдин суьгъуьрдикай хкатнавачир. А. Къ. Аскервал башламишай югъ. Синоним: пек-партал. уьстуьбаши.
* пек-партал рах., сущ. парчадин алукӀдай партал(ар ). За и фикирар ийиз-ийиз, чин-гъил чуьхвена, ахпа жуван пек-партал алукӀна куьчедиз экъечӀдалди, Ольга, заз хабарни тахьана, вичин кӀвалахал фена. А. М. Мурк ракъини цӀурурда. Сусав, аял хьана лугьуз, духтурри, чпи пул кӀватӀна, са булушкани къачунвай, аялдиз - пек-партални, ширинлухарни ва са чӀехи тортни. Н. Шихнабиев. Хъсан хабарар. Мектебдиз фидайлани, руфуна тухдалди фу авачир, я тандал бегьем пек-партал алачир ам, вичин таяр-туьшерин кӀвенкӀве акъваздай. З. Къ. Мердали Жалилован 60 йис... Синонимар: пек-лек, уьстуьбаши.