араб, сущ.; -ди, -да; -ар, -ри. -ра са вуч ятӀани жуванди хьана кӀанивилин гьисс. Са Эминан темягьар вахъ пара туш, Зун галачиз гьала девран, къизил цам. Е. Э. Къизил цам.
* темягь авун гл., ни. жуванди яз хьунин гьисс гъун. Зирба гуниз темягь уна, Килени тагуз туна... Е. Э. Дуст Ягьиядиз. Синонимар: темягьвал авун, темягьун.
* темягь фин |ацукьун| гл., нин квел жуван хсусиди хьунин хиял фин. Дишегьлидин гуьрчегвал, милайимвал акурла, итимрикай гьар садан темягь адал физвай. Ф. Буьркьуь темягь. Яру тав акъатнавай якӀал адан темягь фена. З. Э. Муькъвел гелер. Фирдавай. багълар жезвачир куьтягь. Гуьрчегвилел лап физвай чи темягь. А. Мут. ЦӀийи багъ.... живеди гуьрчегарнавай тарарал зи темягьар, сифте сеферда аквазвайд хьиз ацукьзавай. ТА. Мехъер куьтягь тахьанмаз. ШуькӀуь, шемер хьтин лацу тупӀар, ярни къиб кужумнавай и чинин къваларив акьван хъуьтуьлдаказ, успагьивилелди агат хьанва хьи, гьатта абурал Велиметан темягь физва. М. В. Гьарасатдин майдандал.