фарс, сущ.; -ини, -ина; -ер, -ери, -ера къуват. Сифте яз зи мецел атай «Диде» чӀал, Руьгь ачухай тӀем туширни дидедин? М. Агьмедов. Зи дуьнья.
* тӀем [гуж] акакьун [акатун] гл нин, куьн ник, квек къуват бес хьун, са кӀвалах кьилиз акъудцай къуват хьун. [Мирим] - И калхуз гьеле дувулар ахъай тавунамаз, гьа дувулдилай илисна атӀана, гадарна кӀанда. Ахпа ада дувулар ахъай авуртӀа, Аллагьди хвена хьуй, ахпа адак чи тӀем акакь хъийич. Гь. Гь. Колхоз. Вичин гуж акакьдач, гун патал куьмек Са кьве йис я батрак кьуна кӀвалел. А. Ф. КьатӀ-кьатӀ авур зунжурар. Кьвед лагьайдини, эгер чаз тади гуз, чи тӀем акакь тийиз хьайитӀа, куь куьмекни герек жеда. А. И. Къиргъин. Етим Эмин ацукьнава базардал, Гачал ава тӀем такакьдай савдада. И. Гь. Рубаияр. Жуван тӀем акакьдай затӀар къацӀарал буш чкайрал эциг. Заланбурун къайгъу за аквада, лагьана за хциз. А. Къ. Нехирбанни лекь.
* тӀем гъун гл., ни-куь нел-квел жуваз табиарун. Чара чӀалал тӀем гъун адаз четин акъваззавай. ЛГ, 2002,15. V.
* тӀем татун гл., нин нел-квел са кар ийиз къуват бес тахьун. Виш йисарин къене, садан тӀемни татай чарх, тӀвек эгъуьнна, къене барут турди хьиз, кьве патал пай хьана. С. Ярагъви ашукь Уьзден.