сущ., -уни, -уна: -ар, -ара, -ари къапунай жими хуьрек недай алат. Икьван чӀавалди Калукрин хуьр анжах са кӀарас тӀурар ийидай надир устӀарралди машгьур тиртӀа, Желилан хва Жафера инаг чекмечийрин макандизни элкъуьрзава, - разивилелди лугьузва Салегь бубади. ЛГ, 2004, 15. VӀӀ. * хуьрекдин тӀур, чайдин тӀур. Акваз-такваз, къешенг, шимшет тӀурар, кавчаяр майдандиз акъатна. Ж. Байрамалиев. КӀарасдин тӀурар.
* тӀур кӀаняй ягъун рах., гл., ни 1) иштягьдалди ва я каш кваз тӀуьн. ... Хан суфрадал ацукьнава Суьгьбетариз дуьньядикай, Закай, вакай, колхоздикай, Алидикай, гьавадикай: Эхь, кьадарсуз хъвазва ада, Эхь, тӀур кӀаняй язава ада... А. С. Жуваз душман жемир вун. 2) куьч. са вуч ятӀани лап хъсандиз кьилиз акъудун. \[Къули\]. Гьан... чидач, чидач, лугьуз тур кӀаняй яна гьа! Ж. Эфендиев. Азадвилин рекье.
* тӀуруналди нез, тумуналди вил акъудун гл., ни гафар хъсанбур ийиз, кӀвалахар писбур авун, зиян гун. Гьа сикӀ Пулатаз вуна вун адан стха яз къалурзава. Пулатан папаз ашнавал ийиз алахъзава. Жеч гьа! Виже къведач, я Бадир. ТӀуруналди нез, тумуналди вил акъудун эркеквал туш. З. Э. Булахдал.
* тӀуруни нез, тумуни вил акъудиз нар. винелай хъсан къалуриз, кӀаникай зиян гуз.