межд. 1) са нихъ ва квехъ ят(ани элкъвена рахадайла, адан фикир ихтилатдал желб авун патал ишлемишдай гаф. Гзаф вахт фенани, тӀимил вахт фенани чидач. Далалубегьлиди мад лагъуда; «Эй стха, са мекве авай кишмишар це, за ваз гаф маса гуда». Ф. Далалубегьли. Эй, зи ашна гьажи Тагьир, Види вуч шел- хвал хьана хьи? Е. Э. Вирт квахьайдаз. - Эй, эй, кьемеш, вун къерех хьухь, - лагьана Къембера, шем хьиз яргъи, шуькӀуь колхозчидиз. А. А. Лезгияр. Эй дустар, зи чил квез туьк хьиз хъуьтуьл хьуй, Куь кӀвачик са цазни тахьун паталди. А. С. Ша, дустар! 2) наразивилин гьиссер кваз гьелегьар кьадайла. ишлемишдай гаф. Лагьана ажугъдал пара: Эй жанаби капиталист... А. Ф. Дяве. - Эй! Эй! -кьведазни тӀуб юзурна кьуьзека. Б. Гь. ТӀварун стхаяр.