İpoteka

İpoteka krediti — öhdəliyin icrasının təmin edilməsi üsulu olaraq daşınmaz əşyaların və rəsmi reyestrdə üzərində mülkiyyət hüquqları qeydə alınan daşınar əşyaların girovudur. İpoteka qoyan ipoteka predmeti olan əşyanı girov qoyan şəxsdir. İpoteka qoyan həm borclu, həm də üçüncü şəxs ola bilər. İpoteka saxlayan ipoteka hüququ olan və ipoteka qoyanın digər kreditorlarına nisbətən üstün qaydada ipoteka predmeti hesabına əsas öhdəliyin icrasını tələb etmək hüququ olan şəxsdir, o cümlədən ipoteka kağızının qanuni sahibidir.

İpoteka dəyəri şəxsi vəsaitlərindən daha çox olan mənzil (ev) almağı planlaşdıran insanlar üçün lazımdır. İpoteka krediti mənzil (ev) almaq üçün kifayət qədər vəsait olmadıqda belə, insanlara öz şəxsi mənzillərində yaşamaq imkanı yaradır.

Azərbaycan banklarında ipoteka krediti üzrə aylıq ödənişlər ya aylıq annuitet, ya da əsas borcun bərabər hissələrlə bağlanması yolu ilə həyata keçirilir. Annuitet ödəniş ipoteka krediti üzrə elə ödəniş formasıdır ki, bu zaman aylıq ödənişin məbləği bütöv kredit müddəti ərzində dəyişilmədən, sabit qalır.

Azərbaycan Respublikasında ipotekada iştrak edən banklar

1. "Bank Standard" Qapalı Səhmdar Cəmiyyəti
2. "Bank Respublika" Açıq Səhmdar Cəmiyyəti
3. "Texnikabank" Açıq Səhmdar Cəmiyyəti
4. "Xalq" Bankı Açıq Səhmdar Cəmiyyəti
5. "Azərdəmiryolbank" Açıq Səhmdar Cəmiyyəti
6. "AGBank" Açıq Səhmdar Cəmiyyəti
7. "Gəncəbank" Açıq Səhmdar Cəmiyyəti
8. "AtaBank" Açıq Səhmdar Cəmiyyəti
9. "Paşa Bank" Açıq Səhmdar Cəmiyyəti
10. "Bank Avrasiya" Açıq Səhmdar Cəmiyyəti
11. "Kapital Bank" Açıq Səhmdar Cəmiyyəti
12. "Bank of Azerbaijan" Açıq Səhmdar Cəmiyyəti
13. "Zaminbank" Açıq Səhmdar Cəmiyyəti
14. "Azərbaycan Beynəlxalq Bankı" Açıq Səhmdar Cəmiyyəti
15. "Muğanbank" Açıq Səhmdar Cəmiyyəti
16. "UniBank" Açıq Səhmdar Cəmiyyəti
17. "Turanbank" Açıq Səhmdar Cəmiyyəti
18. "RoyalBank" Açıq Səhmdar Cəmiyyəti