Azərbaycan Dövlət Neft və Sənaye Universitetinin İnformasiya texnologiyaları və idarəetmə fakültəsi
İstehsalat Proseslərinin Avtomatlaşdırılması Fakültəsi (İPAF) — Azərbaycan Dövlət Neft Akademiyasının yeddi fakültəsindən biridir.
Tarixi
İstehsalat proseslərinin avtomatlaşdırılması fakültəsi energetika, neft-qaz və neft-kimya sahələrinin avtomatlaşdırılması, idarəolunması və onları həyata keçirməyə imkan verən texniki vasitələrin işlənməsi və istismarı ilə əlaqədar yaranmış tarixi zərurət nəticəsində 1961-ci ildə yaradılmışdır[1].
Fakültədə dekan vəzifəsini müxtəlif dövrlərdə ardıcıl olaraq aşağıdakı şəxslər icra etmişdir:
- dosent İ.Ə.Nəbiyev (1961-1963)
- dosent H.H.Səmədov (1963-1979)
- dosent R.Ə.Zeynalov (1979-1993)
- professor İ.M.Abdullayev (1993-2003)
- dosent T.A. Əliyev (2003-2011).
Hal-hazırda dekan vəzifəsini dosent Allahverdiyev Ramiz Nəsib oğlu icra edir. Onun müavinləri - dosent S.İ. Yusifov, t.f.d. N.A.Xanbutayeva, BBA və ZU proqramları üzrə tədrisə məsul şəxs – dosent F.Ə. Hüseynovadır.
Yarandığı gündən fakültədə 13 minə yaxın ali təhsilli mütəxəssis, o cümlədən 8400 mühəndis, 4028 bakalavr, 400-dən artıq magistr hazırlanmışdır.[1]
Kafedralar
- Ali riyaziyyat
- Avtomatika, telemexanika, elektronika;
- Avtomatlaşdırılmış idarəetmə sistemləri;
- İstehsal proseslərinin avtomatlaşdırılması;
- İnformasiya-ölçmə və hesablama texnikası;
- Kompüter texnologiyaları və proqramlaşdırma;
- Metrologiya, standartlaşdırma və keyfiyyətin idarə olunması;
- Biotexniki və tibbi aparatlar və sistemlər.[1]