İmperatorun ad günü
İmperatorun ad günü (yap. 天皇誕生日 Tenno:tandzö:bi) – Yaponiyanın dövlət bayramı. Akihitonun taxta oturduğu 1989-cu ildən bəri dekabrın 23-də qeyd edilir[1].
Meydzi imperatoru Musuxitonun hakimiyyəti dövründə (1868-1911) imperatorun ad günü noyabrın 3-də qeyd edilirdi.
Taysö imperatoru Yösihitonun hakimiyyəti dövründə (1912-1926) imperatorun ad günü avqustun 31-də qeyd edilirdi.
Söva imperatoru Hirohitonun hakimiyyəti dövründə (1927-1988) imperatorun ad günü aprelin 29-da qeyd edilirdi[2]. Hirohitonun ölümündən sonra 29 aprel Yaşıllıq günü adı altında dövlət bayramına çevrildi, 2007-ci ildən isə Söva günü adlanır[3].
İmperator sarayı adətən kənar şəxslərə bağlı olsa da, imperatorun ad günündə və yanvarın 2-də sarayın ərazisini ziyarət etməyə icazə verilir. İmperatorun ad günündə imperator ailə üzvləri ilə birlikdə sarayın balkonundan onları görməyə gəlmiş insanları salamlayır[4].
İstinadlar
- ↑ "Japanese Holidays". japan-guide.com. İstifadə tarixi: 23 December 2009.
- ↑ "Emperor Hirohito". Spartacus Educational -. İstifadə tarixi: 23 December 2009.
- ↑ "Golden Week". japan-guide.com. İstifadə tarixi: 23 December 2009.
- ↑ "Tenno No Tanjobi celebrates the Emperor's birthday in Japan". TokyoTopia Or Tokyo Made Simple. İstifadə tarixi: 23 December 2009.