Kokos palması
Kokos palması (Cocos nucifera) - palmalar fəsiləsindən bitki. Gövdəsinin hünd. 20-25 m, diametri 50-60 sm-dir, yarpağı lələkvarı olub uzunluğu 3-6,5 m-dir. Bircinsiyyətli çiçəkləri süpürgə çiçək qrupunda yerləşir. Kokos qozu adlanan meyvəsi çəyirdəkdir: çəkisi 1,5-2,5 kq olur. Yetişmiş meyvəsində kokos südü və yağı var. Kokos palması qədim zamanlardan hər iki yarımkürənin tropik ölkələrində, əsasən Filippində, Malayya arxipelaqı adalarında, Malakka yarımadasında, Hindistanda və Şri-Lankada becərilir. Dəniz və okean sahillərində bitən bitkidir. Gövdəsi yaxşı tikinti materialıdır.
Vikianbarda Kokos palması ilə əlaqəli mediafayllar var.