Azərbaycan Dövlət Neft və Sənaye Universitetinin nəzdində Sənaye və Texnologiya Kolleci

Bakı İdarəetmə və Texnologiya Kolleci
Əsası qoyulub	6 sentyabr 1999
Tip	orta-ixtisas təhsili müəssisəsi
Direktor	Şahbazli Faiq
Şəhər	Bakı
Ünvan	Bakı şəhəri, Nərimanov rayonu, Təbriz Xəlilbəyli küçəsi 51a
Sayt	bitkol.edu.az

Bakı İdarəetmə və Texnologiya Kolleci — Azərbaycan Respublikası Təhsil Nazirliyinin tabeliyində olan orta-ixtisas təhsili müəssisəsi

Tarixi

6 sentyabr 1999-cu ildə Azərbaycan Respublikası Nazirlər Kabinetinin Qərarına əsasən Bakı Yerli Sənaye Texnoloji Texnikumunun və Bakı Yüngül Sənaye Texnikumunun bazalarında yaradılmışdır.

Azərbaycan Respublikası Nazirlər Kabinetinin 3 fevral 2016-cı il tarixli, 30 nömrəli Qərarına əsasən Bakı Kompüter Kolleci Bakı İdarəetmə və Texnologiya Kollecinə qoşulmuşdur.

11 iyul 2020-ci ildə Bakı İdarəetmə və Texnologiya Kolleci Azərbaycan Dövlət Neft və Sənaye Universitetinin nəzdində publik hüquqi şəxs statusuna malik olan Sənaye və Texnologiya Kollecinə çevrilmə yolu ilə yenidən təşkil edildi.

İxtisaslar

Kollecdə aşağıdakı ixtisaslar üzrə mütəxəssislər hazırlanır:

• texnologiya müəllimliyi;
• peşə təlimi (sahələr üzrə);
• mühasibat uçotu;
• maliyyə işi;
• bank işi;
• bələdiyə təsərüfatının təşkili;
• ətraf mühitin qorunması və təbii ehtiyatlardan səmərəli istifadə;
• bina və qurğuların tikintisi və istismarı;
• yol hərəkətinin təşkili;
• avtomobil yolları və aerodromların tikintisi, istismarı və təmiri;
• zərgərlik məmulatları və bəzək əşyalarının hazırlanması;
• arxiv işi və kargüzarlıq;
• dizayn;
• geyimlərin modelləşdirilməsi və konstruksiya edilməsi;
• tikiş məmulatlarının texnologiyası;
• turist, mehmanxana təsərrüfatının təşkili və idarə edilməsi;
• İnformasiya texnologiyası sistemləri (azərbaycan və rus bölməsi);
• avtomatlaşmiş sistemlərin və hesablama texnikasının -proqram təminatı (azərbaycan və rus bölməsi) ;
• kompüter şəbəkələrinin və hesablama texnikasının təmiri və servis xidməti (azərbaycan və rus bölməsi) ;
• informatika müəllimliyi;
• informasiyanin işlənməsinin və idarəetmənin avtomatlaşdırılmış sistemləri (azərbaycan və rus bölməsi);
• kompüter şəbəkələri (azərbaycan və rus bölməsi)

Xarici keçidlər

• Bakı İdarəetmə və Texnologiya Kolleci bitkol.edu.az saytında  (az.)