Azərbaycan Dövlət Neft və Sənaye Universitetinin İnformasiya texnologiyaları və idarəetmə fakültəsi
İnformasiya texnologiyalarının idarəetməsi Fakültəsi' (İTİF) — Azərbaycan Dövlət Neft Akademiyasının yeddi fakültəsindən biridir.
Tarixi
İnformasiya texnologiyalarının idarəetməsi fakültəsi energetika, neft-qaz və neft-kimya sahələrinin avtomatlaşdırılması, idarəolunması və onları həyata keçirməyə imkan verən texniki vasitələrin işlənməsi və istismarı ilə əlaqədar yaranmış tarixi zərurət nəticəsində 1961-ci ildə yaradılmışdır[1].
Fakültədə dekan vəzifəsini müxtəlif dövrlərdə ardıcıl olaraq aşağıdakı şəxslər icra etmişdir:
- dosent İ.Ə.Nəbiyev (1961-1963)
- dosent H.H.Səmədov (1963-1979)
- dosent R.Ə.Zeynalov (1979-1993)
- professor İ.M.Abdullayev (1993-2003)
- dosent T.A. Əliyev (2003-2011)
- dosent R.N.Allahverdiyev(2011-2015).
Hal-hazırda dekan vəzifəsini dosent Yusifov Səməd İmaməli oğlu icra edir. Onun müavinləri - dosent U.Q.Məmmədov , t.ü.f.d. T.K.Əsgərov, BBA və ZU proqramları üzrə tədrisə məsul şəxs – dosent F.Ə. Hüseynovadır.[2]
Yarandığı gündən fakültədə 13 minə yaxın ali təhsilli mütəxəssis, o cümlədən 8400 mühəndis, 4028 bakalavr, 400-dən artıq magistr hazırlanmışdır.[1]
Kafedralar
- Ali riyaziyyat
- Avtomatika, telemexanika, elektronika;
- Kompüter Mühəndisliyi və Elmləri;
- İstehsal proseslərinin avtomatlaşdırılması;
- Cihazqayırma;
- Kompüter texnologiyaları və proqramlaşdırma;
İxtisaslar
- Cihazqayırma mühəndisliyi;
- Elektronika, telekommunikasiya və radiotexnika mühəndisliyi;
- Proseslərin avtomatlaşdırılması mühəndisliyi;
- Proseslərin avtomatlaşdırılması mühəndisliyi (Tempus proqramı çərçivəsində);
- Mexatronika və robototexnika mühəndisliyi;
- Kompüter mühəndisliyi;
- İnformasiya texnologiyaları və sistemləri mühəndisliyi;
- Metrologiya, standartlaşdırma və sertifikasiya mühəndisliyi;
- Biotibbi texnologiya mühəndisliyi;
- Biznesin idarə edilməsi (BBA proqramı);
- Menecment (BBA proqramı);
- Sənayenin təşkili və idarə olunması (ZU proqramı).
Həmçinin bax
Mənbə
«İSTEHSAL PROSESLƏRİNİN AVTOMATLAŞDIRILMASI» FAKÜLTƏSİ